ખોબો માગ્યો ને પ્રભુ દરિયો દીધો તે
ચપટી માગીને પ્રભુ અંજલી ભરી
આવી તી મળવા તને અંતર્યામી
દર્શન કરી ને હું ધન્ય બની
તારી કૃપાનો અવધિ છે ઉમટ્યો
આંસુ છલકાણાં ને તૃપ્ત થઈ
આવી તી મળવા તને અંતર્યામી
દર્શન કરી ને હું ધન્ય બની
કણ કણમાં તારા વાસની ઉર્મિ
ઐશ્વર્ય ઔદાર્યે સોહી ઉઠી
આવીતી મળવા તને અંતર્યામી
દર્શન કરી ને હું ધન્ય બની
તારા મિલનની મધુરી પળમાં
જીવતરની એષણા વિલાઈ ગઈ
આવીતી મળવા તને અંતર્યામી
દર્શન કરી ને’પમી’ધન્ય બની
bahu j saras prabhu sanvaad
mane paN aaje sfuryu
પ્રભુ!
તારા દિવ્ય દર્શનો ને તરસતી
પણ કદી ન સંતોષાતી
આ નિષ્ફળ ઠાલી લાગણીઓને
કેમ ભરી ભરી કરવી
તે ન સમજાયે તેથી
હે કરુણાનિધાન
હવે ફક્ત રાહ જોઉં છું
તારી કૃપાની
તારા દર્શનની
તારા પરમ ઉજાસની