વાણીનો  વિલાસ છે કે  વિલાસી વાણી છે

         વાદળામાં વરસાદ છે કે  વરસી રહ્યાં વાદળા છે

         કેરીમાં  ગોટલો છે કે  ગોટલામાં  કેરી  છે
 
         તનમાં અહંકાર છે કે  અહંકાર  તનનો  છે
 
         સમતા સહજ છે  કે  સહજતામાં  સમતા છે

         માધુર્યભરી  વાણી  છે કે  વાણીમાં મધુરતા  છે

         અજવાળાં વ્યાપ્યા છે કે વ્યાપકતામાં અજવાળું  છે

         રાગમાં   અનુરાગ છે  કે  અનુરાગનો રાગ   છે

         ઈર્ષ્યામાં  દ્વેષ  છે  કે  દ્વેષમાં  ઈર્ષ્યા  છે

          અસંતોષ  જીવનમાં  છે કે  જીવનનો  અસંતોષ છે

          હાજરીમાં  ગેરહાજરી  છે કે  ગેરહાજરીમાં  હાજરી  છે

          ટેટામાં વડ  છે કે  વડ પર ટેટા  છે

          ઉંઘમાં જાગે  છે કે  જાગતો  ઉંઘે  છે

          વહાલ  વરસે  છે કે  વરસી  રહ્યું  વહાલ  છે

          અંતરનાં  અંતર  છે કે  અંતર  અંતરમાં છે

           ખુશી  મિલનમાં છે કે  મિલનથી  ખુશી  છે

           માનવી  માનવ  બને કે હર માનવી  માનવ છે