Archive for May, 2010

હળવો કેમ બનાવીશું?

May 30th, 2010

 

  ‘તનાવ’થી છૂટકારો મેળવવૉ એ આપણા હાથમાં છે.  એને હળવો બનાવવા માટે સજાગ રહીને પ્રયત્ન કરવો   જરુરી છે. તનાવ માટે ઘણીવાર એકલતા યા તો એકાકીપણું જવાબદાર હોઈ શકે. જીંદગીમાં નિયમિતતા આણવી ખૂબ જરૂરી છે. આળસ નામનો અજગર જીંદગીને તેની ચુંગલમા અરાબર ફસાવે છે. આત્મવિશ્વાસનો અભાવ  એ તનાવ માટે જવાબદાર છે.

       મગજને હંમેશા નવીનવી પ્રવૃત્તિથી નવાજવું. હ્રદયમાં ઉઠતા તરંગો અને ભાવના પ્રત્યે બેરહમી ભર્યું વર્તન નહી સહાનુભૂતી પુર્વકનું આચરણ. અંતરના અવાજ ને સાંભળવો. કાર્યના ક્ષેત્રમાં આદર્શનું પાલન. સફળતા અને વફાદારી પૂર્વક કાર્યની લગન. નિયમિતતા અને સમૂહમા થતા કાર્યની અસર ખૂબ સુંદર હોવામા બે મત  નથી. સમુહમા, સહયોગથી થતા કાર્યની ચમત્કારિક અસર જણાશે.  તનાવ નજદિક ફરકવાની હિમત પણ નહી કરે. સુસંગતતા,તર્કબુધ્ધિ, કાર્ય પ્રત્યેનો અભિગમ દૃષ્ટિકોણમા જણાતી સ્વસ્થતા, વર્તનમા સુમેળ આ દરેક સવળા પાસા જણાશે.

       સમુહમા થતી દરેક સિધ્ધિ સરખે ભાગે વહેચવી અને મુસિબતોનો સાથે બેસી ઉકેલ શોધવો. છણાવટ કરી તેના ઉપાય મેળવવા. સમૂહમા કાર્ય કરવાથી પ્રેમ અને સમર્પણની ભાવનાનો ઉદય થાય છે. હાથ નીચેના કાર્યકર્તાઓને જશના ભાગીદાર ખુલ્લાદિલે બનાવી તેમની પ્રશંશા અચૂક કરો. જ્યારે નેતૃત્વ લીધું હોય ત્યારે ખૂબ ખંત અને ઉત્સાહપૂર્વક તેનું સંચાલન કરો. ત્યાગની ભાવના સાથેનુ સમર્પણ એ વિશાળતાનો  આધાર સ્થંભ છે. તેનો ફાયદો એ છે કે આળસ દુમદબાવી ભાગે છે અને સમય તથા શક્તિનો વ્યય અટકે છે. માર્ગમા આવતા અવરોધો આસાનીથી હટી સરળ બને છે. જાગ્રતતાનો ઉદય થાય છે. નિયમિતતાનો સંચય અને આત્મવિશ્વાસ  વધે છે. કાર્ય પ્રત્યે પ્રેમનું સિંચન થવાથી કાર્યમા સફળતાના શિખર સર થાય છે.

             તનાવથી બુધ્ધિ મંદ બને છે. સાંધા તૂટવા, શ્વાસમા  અનિયમિતતાનું પદાર્પણ. આંખોમા થાક અને દૃષ્ટિમા મલિનતા પ્રવેશે છે. પ્રેમની જગ્યા ધિક્કાર લે છે.આનંદને બદલે ઉશ્કેરાટનો અનુભવ. દયા અને લાગણીનું સ્થાન અદેખાઈ પચાવી પાડે છે. શાંતિ ને બદલે   ાશાંતિ ઘર કરે છે. તનાવના ચક્રવ્યૂહમાંથી નિકળવા માનસિક તથા શારિરીક શાંતિની આવશ્યકતા. શરીર પંચકોષનું બનેલું છે. ૧.  અન્નમય કોષ,  ૨.  પ્રાણમય કોષ  ૩. મનોમય કોષ,  ૪.વિજ્ઞામય કોષ અને ૫. આનંદમય કોષ.   જેટલી તનાવની તિવ્રતા વધારે તેટલું લોહીનું દબાણ વધારે, ચીંતા વધારે અને જીવન પ્રત્યે ઉભો થતો અણગમો.

        પંચકોષ ઉપર કેમ નિયંત્રણ કરવું તે હવે પછી.=========

માનવામા ન આવે તેવા દૃશ્યો

May 29th, 2010

        કૂતરો બાબાગાડીમાં!

           બિલાડી માટે છત્ર પલંગ!

             માતાપિતા વૃધ્ધાલયોમાં, ઘરમાં કૂતરા અને બિલાડી.

                બાળકો આયા પાસે અને મમ્મીપાપા ‘ડીસ્કોમાં’.

                   પત્ની રસોડામાં પ્રેયસી સાથે હોટલોમાં મિજબાની.

                       ટેલીફોન પર હળાહળ જુઠ્ઠાણું અને બાળકને સાચું બોલવાની સલાહ.

                           ગરીબને ત્યાં હાંલ્લા કુસ્તી કરે, તવંગરના કચરાપેટી ઉભરાય.

વાહ “૨૧મી સદી” તારી કમાલ

May 26th, 2010

   વાહ ૨૧મી સદી તારી કમાલ એક એક શબ્દ ઉપર વિચાર

કરજો. ૨૧મી સદીમાં માનવ ક્યાંથી ક્યાં પહોંચ્યો છે?

ઉંચા મકાન બાંધ્યા અને છીછરા મિજાજ- સહનશક્તિનો અભાવ.

પહોળા રસ્તા બનાવ્યા અને સાંકડા મન. (મંતવ્ય)

ખર્ચો રૂપિયાનો આવક આઠ આના. 

કાગળ કરતાં પ્લાસ્ટિકનો અનહદ ઉપયોગ.

ખાવા કરતાં એઠવાડ વધારે.

ખરીદી ઢગલા બંધ અને વપરાશ ઝૂઝ.

વિદ્યા વધી (કોલેજનિ ડીગ્રી) સામાન્ય જ્ઞાનનો અભાવ.

મુસિબતો વધી બહાર નિકળવાના રસ્તા ન જડ્યા.

રોગો વધ્યા, શરાબ પીવાની આદતે માઝા મૂકી, બીડી યા

સિગરેટ પાછળ ધુમાડો, બેસુમાર ખોટા ખર્ચા,મોંઘવારી એ

આંધળિ દોટ મૂકી, લજ્જા ગાયબ, વ્યાભિચાર છડે ચોક, ગાડીની

ઝડપ તેજ, સૂવાનું મોડું, ઉઠવાનો કોઈ નિયમ નહી,  છૂટાછેડા

શીંગચણાની માફક સસ્તા, ટીવી ૨૪ કલાક, સેલ ફોન સંડાસમાં

પણ, ખરીદી બેફામ, સંગ્રહ ઘણો, પ્યાર કરવાનો ય આપવાના

સમયની તાણ, અદેખાઈ ડગલેને પગલે, ધિક્કાર રગરગમાં,

બાળકો માટે સમય નહી.

             ઢગલે પૈસા કમાતા આવડ્યું . સુંદર સંસ્કારી જીવતા નહી.

              આયુષ્ય લાંબુ કર્યું પણ જીવનમાં મહેક ગુમાવી.

             ચાંદને આંબ્યા પણ પાડોશીથી અજાણ.

              વિશ્વની ખોજ આદરી ખુદને ન પહેચાન્યા.

               પરાક્રમો કરવામાં શૂરા, નાની બાબતોમાં અટવાણા.

   ઝડપી ખાવાનું, જીમમાં પચાવવાનું. સેલ ફોનનો વાયરો-

છીછરા સંબંધો, વિશાળ મહેલ જેવા ઘર, ટૂટતા કુટુંબ, મોંઘી દાટ

રજાઓ. સત્કાર્યમાં પૈસાની તાણંતાણ. હોટલોમાં પૈસાનો ધુમાડો

દાન કરવામાં ગલ્લા તલ્લા. એક રાતનો વાસ, અથાણાની બરણી

જેવાં (પીપડા) શરીર. ઢગલા બંધ દવાની ગોળીઓ. દેખાદેખી અને

અદેખાઈની ખાણ.

                પળભરમાં મિલનની આસાની ( કમપ્યુટર)  ક્ષણમાં વિરહ.

                   જોયા વગર દિલ મળવા જોઈને બાંધેલા સંબંધ તકલાદી.

ખતરનાક

May 25th, 2010
 ૨૧મી સદીમા સહુથી   ખતરનાક અને કાતિલ રોગ હોય
તો તે ‘તનાવ’  ( Stress) છે. જેને માપવું યા ગંભિરતા
જાણવી મુશ્કેલ છે.  તેના કારણ અગણિત છે.
      માનસિક, શારિરીક, સંસારીક કે પછી વ્યવહારીક.
કામધંધાને કારણે.  આ પરિસ્થિતિમાં વિચારો ઍટલી
ઝડપે ચાલતા હોય છે કે સામાન્ય માનવ તેના મગજની
સમતુલા ગુમાવી બેસે છે. આનો સામનો બે રીતે થાય તમે
ક્યાં તો તેને ‘લડત’ આપો અથવા તો તેનાથી ડરી ને ‘ભાગી
જાવ’.
        જેને પરિણામે શરીરમાં ખાંડનું પ્રમાણ વધે, (મધુપ્રમેહ)
શ્વાસ લેવાંમાં તકલિફ,  લોહીનું દબાણ વધે ( બ્લડ પ્રેશર),
હ્રદય રોગનો હુમલો અનુભવાય. વ્યક્તિ જ્યાં ત્યાં ફાંફા મારે,
માંગ અને પુરવઠાના નિયમ પ્રમાણે ( Demand & Supply)
માંગ વધતા પુરવઠાને પહોંચી વળવા માનવ જે આંધળી દોટ
મૂકે છે ત્યારે તેના ખ્યાલ બહાર રહી જાય છે અને તનાવનો
શિકાર બને છે. લાગણીશિલતામાં તણાઈ તનાવની તિવ્રતાનો
પંજામાં ફસાય છે. ઘણીવાર વધારે પડતી ચોકસાઈ માનવના
 હાલ ભુંડા કરે છે. સમાધાન વૃત્તિનો સદંતર અભાવ. ધંધા યા
નોકરી પર સમય મર્યાદાની પાબંધી. આ બધા કારણોસર માનવ
તનાવ નામના અજગરની ચુંગલમાં એવો ફસાય કે પછી તેનથી
છૂટવા આખી જીંદગી દવાની ગોળીઓ ગળ્યા કરે.
       શરીરના અંગો જકડાઈ જવા, પીઠનો દુખાવો, માથાનો દુખાવો,
શરીરમા તેજાબ તત્વની તીવ્રતા અથવાતો ચાંદા પડવા. સતત
તનાવ અનુભવવાનો અંજામ ખતરનાક છે. નાના, મોટા ગમે તે હોય
આ બિમારી આસાનીથી તમને સંકજામા લઈ શકે છે.  
      આ બિમારીનો ભોગ બનનાર ને ઘણી ચેતવણી મળે છે કિંતુ તેને
સહજ ગણી આંખ આડા કાન કરવમા સફળતા પ્રાપ્ત થાય છે. જ્યારે
તે હદ બહાર ગુજરી જાય છે ત્યારે ઘણું મોડું થઈ ગયું હોય છે.
        મિત્રો આજે આ વાંચીને વિચાર કરો અને કાલે શું કહીશ તેનો
ઇંતજાર——  

આઇસક્રિમના ભજીયા

May 24th, 2010

                                         આઇસક્રિમના  ભજીયા

      સામગ્રી”

     ૧.  વેનિલા આઇસક્રિમ ,કેસરનો આઇસક્રિમ.

     ૨.  ચણાનો લોટ

     ૩.  લાલ મરચું,  હળદર,મીઠુ, ધાણાજીરૂ.

      ૪.  તળવા માટે તેલ. સ્વાદ પ્રમાણે હીંગ.

     રીત.

      ૧.   આઇસક્રિમને ફ્રીઝરમાંથી કાઢી ચમચા વડે નાના ગોળ બોલ

              બનાવી એક કચોળામા પાછા ફ્રીઝરમાં મૂકવા.

      ૨.    ચણાનો લોટનું ભજીયાનું ખીરુ પલાળવું.

      ૩.     તેમાં બધો મસાલો સ્વાદ પ્રમાણે નાખી લગભગ

                કલાક રાખવું.

       ૪. પેણીમાં તેલ મૂકી ,તેલ ગરમ થાય એટલે બે ટેબલ સ્પુન

             કડકડતું તેલ નાખી ભેળવવું.

   ૫.     ફ્રીઝરમાંથી આઇસક્રિમના બોલ કાઢી જેટલા પેણીમા સમાય

           તેટલા ખીરામાં બોળી તરત તળવા. વધારાના પાછા અંદર મૂકી

          દેવા.

   ૬.    ગરમ ગરમ ખાવા. બહારથી ગરમ અંદરથી ઠંડા. ખૂબ સ્વાદિષ્ટ લાગશે.

            ચટણીની પણ યાદ નહી આવે.

  ૭.       બનાવો ત્યારે મને જરૂરથી બોલાવશો!

ભજીયા

May 22nd, 2010

      ભજીયા નામ વાંચીને એવો એક પણ ગુજરાતી નહી

હોય જેના મોઢામાં પાણી ન આવે. પછી તે કાંદાના હોય,

બટાકાના કે કંદના.  ઝરમર યા તોફાની મેઘ હોય, હવામા

ઠંડી માદકતા હોય અને બારીની બહાર નજર હોય ત્યારે

યાદ આવે  ગરમા ગરમ ભજીયાની મહેક.  નસિબ પાધરા

હોય અને ઘરવાળી હોંશીલી હોય તો કદીય ના સાંભળવાનો

વારો ન આવે.

           બાકી તો ઘરમાં બટાકા નથી. તમે મદદ કરાવો તો

બનાવી આપું. જાણે બનાવશે ત્યારે પોતે માત્ર સુંઘશે. જો

ખાનગી વાત કહું બનાવે પતિ , પ્રિતમ યા પરિવારને નામે

પણ કરતાં કરતા એટલા ઝાપટે કે જ્યારે બધા લિજ્જત માણે

ત્યારે ‘તમે ખાવને હું તમને જોઈને આનંદ માણીશ’ એમ કહે.

             ભજીયા, પકોડા યા અમેરિકાન ચિકન નગેટ છે  તો બધા

કુટુંબી. પણ સહુથી સુંદર નામ છે ‘ભજીયા’. રખે માનતા તે કરાવે

‘કજીયા’.   હા, જો તમે સાચવીને ન ખાવ તો ખબર છેને પરિણામ

શું આવે? ભાવે તો ખૂબ જ, એમાં વળી સાથે કોથમીર ફુદીનાની

તમતમતી ચટણી હોય તો સોનામાં સુગંધ મળ્યા જેવું લાગે. જો

કે આજની પ્રજાને બધાની સાથે જોઈએ મેગીનો ‘ટોમેટો સોસ’.

                   ભજીયાના વિધવિધ પ્રકાર છે.  કદી બનાવી જોજો

કેળાના કે પેલી હાફુસ કેરીના. મોઢામાં પાણી આવી ગયું ને?

રીગણ, અજમાના પાન, કાકડી, ભીંડા ખૂબ સ્વાદિષ્ટ લાગે.

કદી આઈસક્રીમના ખાધા છે?  તેની લિજ્જત તો કાંઈ ઔર

છે.  શનિવારની સવાર છે, મનગમતો સાથ છે.શ્રીમતિજી

નો મિજાજ ઠેકાણે છે. ફરમાઈશ મૂકી જુઓ કદાચ જમવાને

ટાંકણે મળે પણ ખરા.

                 ભજીયા ખાવા સારા આપવા નહીં. એ ખૂબ ગંદી

આદત છે. કદાચ ખ્યાલ પણ નહી હોય આપનાર વ્યક્તિ તો

ભૂલી જાય છે પણ જેને આપ્યું હોય છે તેને માટે વિસરવું અતિ

કઠીન છે. બને ત્યાં સુધી દરેક વ્યક્તિને શંકાની નજરથી ન જુઓ.

જેમ આપણને સારું ગમે છે. સારા થવું ગમે છે. તેમ સામી વાળી

વ્યક્તિને પણ ગમે છે. વાતવાતમા ભજીયા પિરસવા, ન સ્થળ ન

સમય, ન વ્યક્તિની માન મર્યાદાનો ખ્યાલ.

                   ‘ભજીયા દેવો ભવઃ ‘———

છુઈમૂઈ

May 19th, 2010

   ભાળી લજામણી ન્ર ભોળી ભરમાણી

બાગમાં ખીલી આજ છુઈમૂઈ, છુઈંમૂઇ

અડી ન અડી ત્યાં તો એવી શરમાણી

 બાગમાં ખીલી આજ છુઈમૂઈ,છુઈમૂઇ

 કિરણ સંગ ખેલતી ને વાયરે લહેરાતી 

 બાગમાં ખીલી આજ છુઈમૂઈ, છુઈમૂઇ

નવી નવેલી દુલ્હન પિયુ સ્પર્શે લજાતી

 બાગમાં ખીલી આજ છુઈમૂઈ, છુઈમૂઈ

 નથ ઉતરવાને ખ્યાલે છોરી કંપતી

 બાગમાં ખીલી આજ છુઈમૂઈ, છુઈમૂઈ

પીધેલ પતિને હાકોટે  ખૂણે ગભરાતી

 બાગમા ખીલી આજ છુઈમૂઈ, છુઈમૂઈ

લાજી લજામણીને અંતરને ઓરડે

ઘુમરાયો સાદ ઘેરો છુઈમૂઈ, છુઈમૂઈ   

“ટાટા”

May 18th, 2010

     “ટાટા” નામથી મુંબઈગરા કે હિંદુસ્તાની કોણ અજાણ્યું છે? 

 યાદ હશે પારસીઓ જ્યારે સંજાણ બંદરે ઉતર્યા ત્યારે ત્યાના

રાજાએ દુધથી છલો્છલ ભરેલો પ્યાલો મોકલ્યો હતો. પારસીઓ

ના વડાએ તેમાં સાકર ભેળવી પાછો મોકલ્યો અને કહેવડાવ્યું

“દુધમા સાકર ભળે તેમ અમે તમારા રાજ્યમાં સમાઈ જઈશું.’

એ કોમના શ્રી રતન ટાટા . ૨૦૦૮ની, ૨૭મી ડિસેમ્બર અને તાજમાં

થયેલો આતંક્વાદીઓનો આતંક કાળા અક્ષરે મુંબઈના ઈતિહાસમા

કોતરાયેલો છે.

      તે પ્રસંગને આપણા ઉદ્યોગપતિ શ્રી રતન ટાટાએ કેવો સુંદર શિરપાવ

દ્વારા નવાજ્યો. નથી કોઈ સમાચાર સંસ્થા કે ટેલિવિઝને તેના પર પ્રકાશ

પાથર્યો.  સુરજને કેમ ઢાંકી શકાય. તેમના દિલની ઉદારતા, જેના પ્રતાપે

આટલી સમૃધ્ધિ પામ્યા તે સર્વેને પુરસ્કાર રૂપે નાણાની કોથળી ખુલ્લી મૂકી.

           જે પણ વ્યક્તિ જાણીતી યા અજાણી , ગરીબ યા તવંગર,ઉંચ યા નીચના

ભેદભાવ વગર સર્વેને સહાય મળે તેવી વ્યવસ્થા. મૃત પામેલાના પુરા પરિવાર

માટે જીંદગી ભરની  જવાબદારી. ગરીબની હાથલારી કે બિમારની સારવાર શું

શું વર્ણવું. માત્ર બે હાથ જોડી મસ્તક નમાવી તેમનો આભાર. જે શબ્દ તેમની

દરિયાવ દિલની વિશાળતા પાસે ખૂબ નાનો લાગે છે. 

            તેમણે જે સુંદર પગલાં ભર્યા છે તેનું વર્ણન કરવું તેમારી શક્તિની બહાર

છે.  ગુજરાતના ગૌરવ સમાન શ્રી રતન ટાટાને તેમના પૂર્વજોને અને આવતી

પેઢીને પણ ધન્યવાદ. રતન ટાટા જેવા સુંદર વ્યક્તિને જન્મ આપનાર તેમના

માતા પિતાને અભિનંદન ન આપું તો હું કૃતઘ્ની કહેવાઉં. બસ ત્યારે રજા લઈશ.

          હિંદુસ્તાન આવા સુંદર વ્યક્તિને કારણ આજે દુનિયામા અપૂર્વ સ્થાન પામ્યું

છે તેમાં અતિશયોક્તિ નથી.

મહિમા

May 16th, 2010

 દિકરી વળાવ્યાનો મહિમા જૂનો શિરસ્તો છે

દિકરો પરણાવી રુમઝુમ કરતી વહુથી રિશ્તો છે

દિકરીનું કન્યાદાન આપવાનો સુંદર લ્હાવો છે

દિકરો પરણાવી વહુના કુમકુમ પગલાં ધારો છે 

દિકરી માબાપની આંખનો ટમટમતો  સિતારો છે

દિકરો દેવનો દીધેલ કુળનો ઝળહળતો  દિપક છે 

દિકરીને પાનેતર પહેરાવી માબાપ વળાવે છે

વહુને ચુંદડી ઓઢાડી સાસુમા આવકારે છે

દિકરી હોય યા દિકરો માતાને દર્દ સમાન છે

 દિકરા અને દિકરી વચ્ચે અંતર અસમાન છે

૨૧મી સદીનું ગર્વથી મસ્તક ઉન્નત છે

દિકરો  યા દિકરી માતા પિતા પ્રસન્ન છે

સાગરના તરંગ

May 14th, 2010

મહોબ્બત શું દિલની ધડકનનું નામ છે

ધડકે ન ધડકે એ તો સદા મનઘડન છે.

કોણ મારું છે ? કોણ તમારું છે?

છોડો, સઘળું અંહી નું અંહી છે 

જીવ્યા સુધી ભોગવ્યું , વાપર્યું આપણું છે

અરે, મર્યા પછી ક્યાં કોઈનું ઠેકાણું છે

કાલ કરતાં આજ ગમગીન છે

સવાર કરતાં સાંજ રંગીન છે

Type in
Details available only for Indian languages
Settings Settings reset
Help
Indian language typing help
View Detailed Help