નજર્યું ઠરે જ્યાં મારી
ઝાંખી શ્રીજી તમારી
આ જિંદગી છે સારી
કૃપા શ્રીજીની ન્યારી

સહવાસ તરો લાધ્યો
જિવનમાં રંગ ભાસ્યો
કોઈ દોષ ના સતાવે
મનડાને ના મુંઝાવે

સ્વારથનો રાહ છોડ્યો
પરમાર્થ ને અપનાવ્યો
મારુ તારુ ના લગીરે
અંતરે શ્રીજી પધારે

શ્રધ્ધા છે તુજમા દિલથી
ડોલે ના મુશ્કિલોથી
હવે હાથ થામ્યો તારો
ભવસાગર પાર ઉતારો

સઘળે શ્રીજીના દર્શન
હ્રદયે શ્રીજીનું સ્થાપન
દિનરાત તેનું સુમિરન
શરણે સ્વિકારો ભગવન

  હરિ તારાં છે હજાર નામ, કયે નામે લખવી કંકોતરી
     રોજ રોજ બદલે મુકામ  કયે  ગામે  લખવી  કંકોતરી

     મથુરામાં મોહન તું ગોકુળ ગોવાળીઓ
                                    દ્વારિકાનો રાય રણછોડ
                                    કયે ગામે લખવી—-
   કોઈ સીતારામ કહે કોઈ રાધે શ્યામ કહે
                                    કોઈ કહે નંદનોકિશોર
                                    કયે ગામે લખવી—-
   ભક્તોની રાખી ટેક રૂપ ધર્યા  તે  અનેક
                                    અંતે તો એકનો એક
                                    કયે ગામે લખવી—-
   ભક્તો તારા અપર ગણતાં ન આવે પાર
                                    પહોંચે ન પૂરો વિચાર
                                    કયે ગમે લખવી—-
   ‘નરસિંહ મહેતા’નો સ્વામી  શામળીઓ
                                  મીરાનો ગિરીધર ગોપાળ
                                  કયે ગામે લખવી—-

        ભક્ત નરસિંહ મહેતા નું સુંદર ભજન
             ========================     

 જિવનને પામ્યા હે પ્રભુ બસ જિવન  જીવતાં  શિખવી દે
 આ જિવન છે અણમોલ પ્રભુ તેનું મૂલ્ય મને સમજાવી દે

 વણમાગ્યે  તેં  દીધુ ઘણું  સંતોષ  પ્રભુ  પ્રસરાવી  દે
 મારૂ  મારૂ   સહુ કોઈ  કહે  તારુ  કહેતા તું શિખવી દે

 સૌંદર્ય સઘળે  વેર્યું  તે  માણી  શકું  તેવી  દૃષ્ટિ  દે
 તારા  ઉપકારના  ભાર તળે ટકી શકું તેવી  શ્રધ્ધા દે

  માતા પિતા ના ઋણને હું  હૈયે ધરું તેવી  હામ તું દે
  સંસારમાં સહુને પ્યાર કરું   એવું  વિશાળ તું  હૈયું   દે

  કર્મ  ધર્મ અને  ભક્તિથી   જિવનનો જામ છલકાવી દે 
  કાર્ય એવા જગે કરું તારી આંખ થી આંખ  મિલાવી દે

  માનવ થઈને માનવ બનું  એવી મનોહર મતિ તું  દે
  જ્યારે અંત સમય આવે પ્રભુ ચહેરે  સ્મિત રેલાવી  દે

 ખોબો માગ્યો ને પ્રભુ દરિયો દીધો તે
   ચપટી  માગીને  પ્રભુ  અંજલી  ભરી
   આવી તી  મળવા  તને  અંતર્યામી
    દર્શન  કરી  ને  હું  ધન્ય  બની
   તારી  કૃપાનો  અવધિ  છે ઉમટ્યો
   આંસુ  છલકાણાં  ને  તૃપ્ત  થઈ
   આવી તી મળવા તને અંતર્યામી
    દર્શન  કરી  ને  હું ધન્ય બની
   કણ કણમાં તારા વાસની  ઉર્મિ
   ઐશ્વર્ય  ઔદાર્યે   સોહી  ઉઠી
   આવીતી મળવા તને અંતર્યામી
    દર્શન  કરી ને હું  ધન્ય બની
   તારા મિલનની  મધુરી  પળમાં
   જીવતરની એષણા વિલાઈ ગઈ
   આવીતી મળવા તને અંતર્યામી
   દર્શન કરી ને’પમી’ધન્ય બની 
  

પથ્થર પર કંડાર્યો કાં
કાગળ પર જરૂરત કાં
તારી દિલમાં ઉતારી છે
એ છબિ મનોહર છે
તને કેમ કરી બતાવું
તું કેટલો વહાલો છે
તું ખૂબ સુહાનો છે
એ રિશ્તો પુરાણો છે
તારા શું કરું ગુણગાન
તને ભાળું રહેના ભાન
તારો કણકણમાં આવાસ
તને માણું હરપળ પાસ
તારું નિત્ય સુંદર સ્વરૂપ
તારું શિવમ પવિત્ર રૂપ
તું સત્ય સભર પાવન
તું સહુને મન ભાવન
તારી દિલમાં ઉતારી છે
એ છબિ મનોહર છે

 શ્રીજીનું   નામ  છે સુંદર  નામ
   ભજીલે  પ્યારા  શ્રીજી નું  નામ
   શ્રીજી નું  નામ છે ભગવદ નામ
   ભજીલે  પ્યારા  શ્રીજી નું   નામ 
   દુનિયાનાં લોકોથી   રિશ્તો  તોડ
   શ્રીજી  ના  નામથી  નાતો  જોડ
   શ્રીજીનું  નામ   નિરંતર    બોલ
   ભજીલે   પ્યારા  શ્રીજી નું  નામ
   શ્રીજીનું  નામ  છે  ખૂબ  પાવન
   શ્રીજીનું  નામ  છે  મન  ભાવન
   શ્રીજી   કરે   તારું   દુઃખ  હરણ
   ભજીલે  પ્યારા  શ્રીજી  નું  નામ
   શ્રીજીની   છે   કૃપા   અપાર
    શ્રીજી  કરે  તારો  બેડો  પાર
    શ્રીજી  દયાથી  સુખી  સંસાર
    ભજીલે  પ્યારા  શ્રીજી નું નામ
     શ્રીજી  વિના  પળ  ના  રહેવું
     શ્રીજી  નું નામ સુંદર  ઘરેણું
     શ્રીજી ના  નામની  માળા પહેરું
      શ્રીજીનું નામ  છે   ખૂબ ગહેરું
      શ્રીજીનું  નામ છે સુંદર નામ
      ભજીલે પ્યારા  શ્રીજી નું  નામ

  કૃષ્ણ  નામ મને  બહુ  ભાવન છે
   હરિ  નામ  ઘણું  અતિ પાવન છે
   શ્રીજી  નામ હ્રદયમાં  સ્થાપન છે
   પ્રભુ નામનું અહર્નિશ સુમિરન છે

   કૃષ્ણ નામ વિના મ્ને ચેન નથી
   હરિ નામ વિના સુખશાંતિ નથી
   શ્રીજી નામ વિના આરામ  નથી
   પ્રભુ નામ વિનાની  ભક્તિ નથી

    કૃષ્ણ નામનો  છે  મહિમા અપાર
    હરિ નામ હરે તારી ચીંતાનો ભાર
    શ્રીજી  કૃપા  કરે  તો  બેડો  પાર
     પ્રભુ નામ પ્રતાપે સુખી  સંસાર

     કૃષ્ણ  ને  શરણે  નિર્વિઘ્ને જા
     શ્રીજી ની દયા ને નિરંતર પામ

 અસત્યો માંહેથી પ્રભુ! પરમ સત્યે તું લઈ જા
   ઊંડા અંધારેથી પ્રભુ! પરમ તેજે તું લઈ જા
   મહા મૃત્યુમાંથી અમૃત સમીપે નાથ લઈ જા
   તું હીણો હું છું તો,તુજ દરસનાં દાન દઈ જા
   પિતા પેલો આઘે જગત વીંટતો સાગર વહે
   અને વેગે પાણી સકળ નદીનાં તે ગમ વહે
   વહો એવી નિત્યે મુજ જીવનની સર્વ ઝરણી
   દયાના પુણ્યોના તુજ પ્રભુ મહાસાગર ભણી
   થતું જે કાયાથી ઘડીક ઘડી વાણીથી ઉચ્ચરું
   કૃતિ ઇંન્દ્રિયોની મુજ મન વિષે ભાવજ સ્મરું
   સ્વભાવે બુધ્ધિથી શુભ અશુભ જે કાંઈક કરું
   ક્ષમા દ્રષ્ટિ જોજો તુજ ચરણમાં નાથજી નમું

 રાધા ઢૂંઢી રહી કીસીને મેરા કાન દેખા
           મારી રાધા
       પ્યારમાં પાગલ રાધા
    રાધા ઝુમી ઊઠી કે નયનોંએ કાન નિરખ્યા
    હરખે ફૂલી ઊઠી ને ઝાંઝર રણકી ઉઠ્યાં

     ગોકુળમાં રાધાનો કાનજી ખોવાણો
     ગોપીઓના ઘરમાં જઈ તે ભરાણો
     ગોવાળો સંગે વંઠેલ —-કે નયનોએ કાન નિરખ્યા

     રાધાને માખણ ખાતો કાન દેખાણો
     બેઉ હાથે માખણ ચોર મંડાણો
     હૈયું હરખી ઉઠ્યું——-કે નયનોએ કાન નિરખ્યા

     રાધાએ કાન વિશ્રામઘાટે ભાળ્યા
     પાણીની હેલ ચઢાવતાં માણ્યા
     અંગ અંગ ભીંજાઈ ઊઠી—-કે નયનોએ કાન નિરખ્યા

     રાધા કાના સંગે રાસ રમંતી
     મધુવનમાંહી હસી ઘેલી ખેલતી
     ચાંદનીમાં ભાન ભૂલી—–કે નયનોએ કાન નિરખ્યા

જ્યારે જીવન મારું શ્રીજીને અર્પણ
શા કાજે મારે ફિકર ચિંતા
હાર અને જીતની અપેક્ષા
ન કરવી મારે દ્વિધા—૨

સંકટ સમયે સહાય તારી
સુખમાં દુખમાં ભાગીદારી
શાને કાજે નિંદ વિસારી
તારે શરણે હું ગિરધારી —હાર

બાળપણામાં આંગળી ઝાલી
જુવાનીમાં મુજને સંભાળી
બાકી આયખાની આ ઝોળી
તારે શરણે હું ગિરધારી—હાર

આ સંસારની રીત નિરાળી
મોહમાયા એ જકડી ભારી
સમતા કાજે કર પ્રસારી
તારે શરણે હું ગિરધારી—–હાર

તારું અર્પિત મારું જીવન
વણમાગ્યું અણમોલ જીવન
તરલને અસ્થિર આ જીવન
તારે શરણે હું ગિરધારી

હાર અને જીતની અપેક્ષા
ન કરવી મારે દ્વિધા—૨