જ્યારે જીવન મારું શ્રીજીને અર્પણ
શા કાજે મારે ફિકર ચિંતા
હાર અને જીતની અપેક્ષા
ન કરવી મારે દ્વિધા—૨
સંકટ સમયે સહાય તારી
સુખમાં દુખમાં ભાગીદારી
શાને કાજે નિંદ વિસારી
તારે શરણે હું ગિરધારી —હાર
બાળપણામાં આંગળી ઝાલી
જુવાનીમાં મુજને સંભાળી
બાકી આયખાની આ ઝોળી
તારે શરણે હું ગિરધારી—હાર
આ સંસારની રીત નિરાળી
મોહમાયા એ જકડી ભારી
સમતા કાજે કર પ્રસારી
તારે શરણે હું ગિરધારી—–હાર
તારું અર્પિત મારું જીવન
વણમાગ્યું અણમોલ જીવન
તરલને અસ્થિર આ જીવન
તારે શરણે હું ગિરધારી
હાર અને જીતની અપેક્ષા
ન કરવી મારે દ્વિધા—૨