Archive for the ‘ચાલો રસોડામા’ category

ચંદ્રકળા

October 24th, 2010

ચંદ્રકળા બનાવવા માટે સામગ્રીઃ

 ૨     કપ મેંદાનો લોટ

 ૨    ચમચી ઘી

 ૧/૨  કપ દૂધ

 ૧    કપ સાકર

 તળવા માટે તેલ યા ઘી

 બદામ પિસ્તાનો ભૂકો

 અટામણ માટે મેંદો

 રીતઃ

   બે કપ લોટમા ૨ ચમચી ઘીનું મોણ નાખી મસળવું.

   દુધ જરાક નવશેકુ ગરમ કરી પરોઠા જેવો લોટ બાંધવો.

    રોટલી જેવડા ગોરણા કરવા

 ૩ ગોરણાની ૩ રોટલી વણવી.

પહેલી રોટલી પર તેલ યા ઘી અને થોડું અટામણ પાથરવું.

 બીજી રોટલી તેની ઉપર મૂકી તેના પર પણ અટામણ અને તેલ યા ઘી ચોપડવુ

  ત્રીજી રોટલી ઉપર પણ તેમજ કરવું.

પછી તેનો વીટો વાળી નાના નાના ગોરણા ચપ્પુથી કાપવા.

 દરેકને પાછા વણવા.

  બધા લોટમાંથી આ પ્રમાણે રોટલીના વીટા કરી વણવું. 

 કડાઈમા તેલ યા ઘી ગરમ મૂકી મધ્યમ આંચે ગુલાબી તળવા

 અડધો કપ પાણીમા ખાંડ નાખી દોઢ તારની ચાસણી કરવી.

  પડવાળી થવાથી ચંદ્રની કળા જેવું રૂપ આવશે.

  દરેક ઉપર નાની ચમચીથી ચાસણી રેડી ગરમ પર જ

  બદામ પિસ્તાનો ભૂકો ભભરાવવો.

  દિવાળીની આ મિઠાઈ દેખાવ તથા સ્વાદમા ખૂબ સુંદર લાગે છે.

  અઠવાડિયા સુધી રહે તો પણ બગડે નહી.

   બનાવો, આનંદથી માણો અને દિવાળી ઉજવો.

” ચીલી”

July 5th, 2010

 ટેક્સાસ વેજીટેરિયન ” ચીલી”

 સામગ્રીઃ

  ૧ ૧/૨                    કપ કીડની યા પીન્ટો બીન્સ

  ૨                             ટેબલ સ્પુન  તેલ

  ૧ ૧/૨                     કપ  જીણા કપેલા કાંદા

  ૫                                લસણની કળી  (વાટેલી)

  ૨                              સિમલા મરચા કાપેલા

   ૪                             મોટા ટામેટા જીણા કાપેલા

   ૨                             ટેબલ સ્પુન ‘બેસીલ’ વાટેલુ

    ૧                            ટેબલ સ્પુન વાટેલું જીરૂ 

   ૧/૨                       ટેબલ સ્પુન મરીનો ભૂકો

    ૫                            તેજ પત્તા 

     ૧                            ટેબલ સ્પુન ચીલી પાવડર

     ૧ ૧/૨                  ટેબલ સ્પુન મીઠુ

    ૧/૪                       કપ  સોયા સોસ

     ૧                            કપ ટીવીપી 

     ૧                            પેકેટ “ફ્રીટો લેઝ” કોર્ન ચિપ્સ

રીતઃ                    બીન્સ રાતે સરખી રીતે ધોઈ, પલાળવા

                            સવારે પ્રેશર કુકર્માં મીઠુ નાખી નરમ ચડવા દેવા

                           મોટા તપેલામાં નાખી અંદર કાપેલા કાંદા, ટામેટા અને

                            સિમલા મિર્ચ નાખી ઉકાળવા.

                                એક પછી એક બધો મસાલો નાખવો. હલાવતા રહેવું

                            પાણી પ્રમાણ સર નાખવું.

                                   બરાબર ઉકળી રહે પછી સોયા સોસ નાખી હલાવી.

                              છેલ્લે ‘ટીવીપી’  નાખી બે મિનિટ ઉકળવા દેવું. જેથી

                               તે બરાબર ચડી જાય.  

                              ખાતી વખતે એક કચોળામા પહેલા ચિપ્સ મૂકી ઉપર

                            ગરમા ગરમ ‘ચીલી. નાખી મિક્સ કરી ખાવું.

        ટેકસાસ મા ‘ચીલી” ગ્રાઉન્ડ મીટ સાથે ખવાય છે. ‘ટીવીપી’ ‘  તેના જેવો

          ઉઠાવ આપે છે.

             થોડા સમયમા ખૂબ સ્વાદિષ્ટ વાનગી તૈયાર થાય છે.

આઇસક્રિમના ભજીયા

May 24th, 2010

                                         આઇસક્રિમના  ભજીયા

      સામગ્રી”

     ૧.  વેનિલા આઇસક્રિમ ,કેસરનો આઇસક્રિમ.

     ૨.  ચણાનો લોટ

     ૩.  લાલ મરચું,  હળદર,મીઠુ, ધાણાજીરૂ.

      ૪.  તળવા માટે તેલ. સ્વાદ પ્રમાણે હીંગ.

     રીત.

      ૧.   આઇસક્રિમને ફ્રીઝરમાંથી કાઢી ચમચા વડે નાના ગોળ બોલ

              બનાવી એક કચોળામા પાછા ફ્રીઝરમાં મૂકવા.

      ૨.    ચણાનો લોટનું ભજીયાનું ખીરુ પલાળવું.

      ૩.     તેમાં બધો મસાલો સ્વાદ પ્રમાણે નાખી લગભગ

                કલાક રાખવું.

       ૪. પેણીમાં તેલ મૂકી ,તેલ ગરમ થાય એટલે બે ટેબલ સ્પુન

             કડકડતું તેલ નાખી ભેળવવું.

   ૫.     ફ્રીઝરમાંથી આઇસક્રિમના બોલ કાઢી જેટલા પેણીમા સમાય

           તેટલા ખીરામાં બોળી તરત તળવા. વધારાના પાછા અંદર મૂકી

          દેવા.

   ૬.    ગરમ ગરમ ખાવા. બહારથી ગરમ અંદરથી ઠંડા. ખૂબ સ્વાદિષ્ટ લાગશે.

            ચટણીની પણ યાદ નહી આવે.

  ૭.       બનાવો ત્યારે મને જરૂરથી બોલાવશો!

“હમસ”

October 10th, 2009

   સ્વાદમા સરસ, પચવામા હલકું, પૌષ્ટિક અને

બનાવવામા સરળ.

         પાંચથી સાત વ્યક્તિ માટે.

 

 સામગ્રીઃ  ૧ ;     કપ કાબુલી ચણા

                ૨;     લીલા મરચા, આદુનો ટુકડો. ૩ કળી લસણની  (વાટેલી પેસ્ટ), વાટેલું જીરૂ

               ૩;    મીઠું સ્વાદ પ્રમાણે, કાપેલી પાર્સલી , લાલમરચું શોભા કરવા માટે

               ૪;   ( ૧ ટેબલ) ચમચો ઓલીવ ઓઈલ ; ૧/૨ (ટેબલ)  લીંબુ નો રસ 

રીત;

                 કાબુલી ચણાને રાતે પલાળવા

                સવારે પ્રેશર કુકરમા સરસ મીઠું નાખીને બાફવા.

                 ચડી જાય એટલે મિક્સરમા વાટી તેમા બધો મસાલો નાખવો.

                 અંતે ઓલિવ ઓઈલ  નાખી પર્સલી મિક્સ કરી

               હલાવી સરસ કચોળામા કાઢી ઉપર લાલ મરચું ભભરાવવું,

                તૈયાર ‘હમસ’ ને ફ્રીઝમા રાખવું અને માણવું

               બેગલ ચીપ્સ  કે સલાડ સાથે ખાવામા ખૂબ સ્વાદિષ્ટ લાગે છે.

ચાલો રસોડામા

September 12th, 2009

          આજે સોનાનો સૂરજ ઉગ્યો હતો. એક તો સૂર્યવંશી મોહિની

સૂરજ બરાબર માથે આવે એ પહેલા ખાટલા પરથી ઉતરી રસોડામાં

પધારી હતી.

                 મમ્મા, હું આજે ચા અને ટોસ્ટ બનાવીને બધાને દિલથી

સવારનો નાસ્તો કરાવીશ. મમ્મીએ ગાલે ચૂંટી ખણી. કોઈ પણ જાતના

વાદવિવાદ કર્યા વગર સંમતિની મહોર મારી દીધી. કહે બેટા તને જ્યાં

પણ સવાલ હોય ત્યાં પૂછજે. હું છાપામા સુડોકુ કરવાનો પ્રયત્ન કરું છું.

           મોહિનીને લાગ્યું શું બધા મને મૂરખ સમજો છો? હું M.B.A. ભણું

છું . શું આટલી સાધારણ વસ્તુ હું નહી બનાવી શકું.

            ચાર જણાની ચા કરવાની હતી. મોટું મસ તપેલું લીધું. ચાર કપ

પાણી મૂક્યું. આદુવાળી ચા ભાવે તેથી મોટામા મોટો કટકો આદુનો લઈ

છીણી વડે છીણી ઉકળતા પાણીમા નાખ્યો. ચમચો ભરીને વાટેલા મરી

નાખ્યા.  ઈલાયચી ન ભાવે તેથી બાકાત રાખી. ખાંડ ગમે, બે બરણીમા

સફેદ પાવડર હતો. (પુછ્યા વગર કરવું હતું ,ચાખવાનું સવારના પહૉરમા 

ન ગમે) ચાર કપ એટલે આઠ ચમચા નાખી. પછી લીધું દુધ. ઓછા દુધની

પપ્પાને નથી ભાવતી તેટલી તેને ખબર હતી.  ત્રણ કપ દુધ  નાખ્યું. બધું

ઉકળી ગયું પછી એક કપમા એક ચમચી ગણીને સાત ચમચ ચાની ભુકી 

નાખી. નાનપણમા ‘Good cup of Tea’ ભણી હતી તે યાદ હતું. ચા નાખીને

ગેસ બંધ કરી દીધો.

         કાચના કબાટમાંથી નવી સરસ કીટલી કાઢી તેમાં ગાળી.  ટેબલ સજાવી

પાંઉને કડક કરવા ટોસ્ટરમાં મૂક્યા. દોડતી જઈ પપ્પાને બોલાવ્યા, મમ્મીને બાજુમા

બેસાડી કહે ચાલો સાથે બેસીને મોજ માણીએ.

     મમ્મી ત્યાંજ હતી. બધા તાલ જોતા મનમા મુસ્કાતી હતી. કિંતુ વહાલસોઈ દિકરીને

નારાજ કરવી ન હતી. કિટલીમાંથી ચા બધાને આપે ત્યાંતો ટોસ્ટરમાંથી ધુમાડા નિકળ્યા.

મોહિની ટોસ્ટરનું સેટિંગ કરવાનું ભૂલી ગઈ હતી. પપ્પા કહે બેટા કાંઈ નહી આપણે ચાની

મોજ માણીએ. ચામાં સાકરને બદલે મીઠું નખાઈ ગયું હતું. વાઘ બકરી ખૂબજ તેજ હોય છે.

રંગ હતો એકદમ કથ્થાઈ. જેવો ચાનો કપ મોહિનીએ મોઢે માંડ્યો કે તેના ચહેરાની સિકલ

ફરી ગઈ. રડું રડું થતું તેનું મુખારવિંદ મમ્મીથી ન જોઈ શકાયું. વહાલ કરી , હાથ પસવારતા

કહે બેટા હું બનાવું તે તું જો. આજે બેસ બીજી વખત તારા હાથની——————

vegi crust

April 20th, 2008

ખૂબ સ્વાદિષ્ટ અને પૌષ્ટિક વાનગી.

સામગ્રી.

૧ પેકેટ મેશ પોટેટો .
૧ ૧૬ ઔંસ વટાણા
૧ ૧૬ ઔંસ ફ્રેન્ચ કટ બીન્સ
૧ કપ ખમણેલી ગાજર
૧ ઝૂડી કોથમરી
વાટેલા લીલા મરચા.                   વાટેલુ આદુ
લસણની પેસ્ટ                              લીંબુનો રસ
બ્રેડ ક્રમ્સ                                     ‘પેમ’ સ્પ્રે
તલ, રાઈ, વઘાર માટે તેલ,         વઘારના મરચા
ગરમ મસાલો                              વાટેલા મરીનો ભૂકો
બેકિંગ ડીશ                                  ગળી ચટણી, તીખી ચટણી
                                     રીત
પેકેટ ઉપર જણાવ્યા પ્રમાણે મેશ પોટેટો તૈયાર કરો.તેમાં
થોડું મીઠું અને મરીનો ભૂકો નાખવો.

વટાણાનો સાંજો બનાવો. તેમાં થોડુ મીઠું, લીલા વાટેલા આદુ મરચાં
કોથમીર ઝીણી કાપેલી, લીંબુ અને ગરમ મસાલો નાખવો.

ગાજર ખમણી , તેમાં ફ્રેન્ચ કટ બીન નાખી થોડા તેલમાં સાંતળવી.
પછી તેમાં મીઠુ,લીલા આદુ મરચા , વાટેલું લસણ અને કોથમીર નાખવા.

બેકિંગ ડીશમાં પેમ સ્પ્રે કરી મેશ પોટેટોનું પૂરણ પાથરવું. લગભગ અડધો
ઈંચ જાડું . તેના પર વટાણાનું પૂરણ પાથરી , ઉપર તીખી ચટણીનું પડ કરવું.

ફરીથી બટાકાના પૂરણનુ પડ કરવું તેનાપર ગળી ચટણી અને ગાજર અને
ફણસીનું પડ કરવું.

અંતે ઉપર પાછું બટાકાનું પૂરણ પાથરવું. સહેજ રાઈનો વઘાર અને લાલ
મરચા મૂકવા. દેખાવ ખૂબ સુંદર આવશે. થોડા તલ ભભરાવવા.

ઓવનને ૩૫૦ ડીગ્રી ગરમ કરી ૨૦ મિનિટ માટે બેક કરવું. જરાક ઠંડુ થાય
પછી કાપા પાડવા.
વાનગી ખૂબ સ્વાદિષ્ટ લાગશે. ખૂબ શાકભાજી છે તેથી ખાવાની મોજ માણો.

મનગમતા શાકભાજી ઉમેરવાની છૂટ છે.
૨૧ મી સદીમાં ‘એલર્જી’ અને ‘ન ભાવતા’
હોવાને કારણે શાક સામાન્ય રોજ વપરાશના
મૂક્યા છે.

ખજૂરની બરફી

February 25th, 2008

                                    images1.jpg

  ખાંડ નહી ખાવાની. મધુપ્રમેહ નો રોગ થાય.

ઘી નહી ખાવાનુ જાડા થઈ જવાય.

એક પ્રશ્ન છે? જેનો ઉકેલ આસાન નથી.
કયો?
ગળ્યું ખૂબ ભાવે. ચાલો ત્યારે આજે બનાવીએ ખજૂરની બરફી.

સામગ્રીઃ

૧ રતલ ખજૂર. પીસેલા. જો તે તૈયાર મળે તો વા.
નહીતર મિક્સરમા વાટવા.
૧/૪ રતલ મોળા પિસ્તા

૧/૪ રતલ બદામ

બનાવની રીત.

બદામ અને પિસ્તાને માઈક્રોવેવ ઓવન માં ૧ મિનિટ માટે
ગરમ કરો.

ચપ્પુ વડે તેમના નાના નાના ટુકડા કરવા.

ખજૂરના માવામા તે બધા ભેળવી તના વાટા બનાવવા

દરેક વાટો છૂટો પ્લાસ્ટિકમા વિંટાળી ફ્રીજમાં રાતભર રાખવો.

બીજે દિવસે તેના નાના ટુકડા કરી ખાવાના ઉપયોગમા લેવા.

ખૂબજ સ્વાદિષ્ટ લાગશે. આરોગ્ય પ્રદાન કરનાર પણ છે.

આશા છે બનાવીને ખાશો ત્યારે મારી યાદ આવશે.

બહારથી ખસખસ યા કોપરાના છીણથી શણગારી શકાય

ખાટી મીઠી જીંદગી

October 21st, 2007

યાદ છે ત્યાં સુધી તમને દિલખુશ બરફી ભાવી હતી.
આજે દશેરા છે, ઘરે પધારશો તો જરૂરથી આરોગવા મળશે.
કદાચ આવવાનું શક્ય ન બને તો જીંદગી કેવી રીતે
‘ખાટી મીઠી’ બને તેની તમને રીત જણાવું.

સામગ્રી
૧ કપ હાસ્ય ૩/૪ કપ દિલગીરી
૧ ચમચી આંસુ ૧ ચમચો અહંકાર
૧ ચમચ ગુસ્સો ૧ ચમચી આત્મ સમ્માન
૧/૨ કપ ખુશી ૧/૨ કપ ડહાપણ
૧/૨ કપ આભાર ૧ કપ નમ્રતા
૧/૨ ચમચ અદેખાઈ ૧ ચમચ આવડત
૧ કપ સ્પર્ધા ૧/૨ કપ સુઘડતા
૪ ચમચા ઘી
લગભગ ૧૦ જણાને માટેનું પ્રમાણ છે.

માટીના મોટા ઘડાની અંદર ઘી ચોપડો. પછી બીજું
પડ આંસુ અને હાસ્યનું હળવે હાથે કરો. બધી સામગ્રી
તેમાં નાખી રવૈયાથી દસ મિનિટ ભેળવો.
ઓવન ૩૫૦ ફે.પર રાખી ૧૦ મિનિટ ગરમ કરો. પછી
તેમાં બરાબર ૪૦ મિનિટ બેક કરો.
એકદમ ઠંડુ થાય પછી, શરદ પૂર્ણિમાની રાતે દુધપૌંઆની
જોડે તેની મોજ પરિવાર સાથે માણવી.
એક શરત છે , દુધપૌંઆ વાટકીમાં લઈ ચમચીથી ખાવા પ્ણ
‘ ખાટી મીઠી’ જીંદગીની મજા સહુએ જમણે હાથેથી લઈ જમણા હાથમાં
આપીને માણવી. યાદ રહે પ્રમાણ બરાબર જળવાઈ રહે.

ખાટી મીઠી જીંદગી

ચાલો રસોડામા

October 3rd, 2007

દિલ ખુશ બરફી

સામગ્રીઃ ૨ કપ મધુરું હાસ્ય.
૨ કપ પ્યાર
૧ કપ સત્ય વાણી
૧ કપ નિર્મળ દ્રષ્ટિ
૨ ચમચી ગુણગાન
૧/૨ ચમચી ભાવના
૧/૨ ચમચી સદવર્તન
૧ કપ ભક્તિ
ચપટી ભર પ્રભુ નામ

રીતઃ મધુરું હાસ્ય, પ્યાર, સત્યવાણી અને નિર્મળદ્રષ્ટિ ને મોટા ત્રાંસમા
ભેગા કરી તેમાં બે કપ ઠંડુ પાણી નાંખી બરાબર હલાવી તાપમા
કપડુ ઢાકી ને રાખો. બે કલાક પછી પ્રભુ નામ સિવાય સઘળી
વસ્તુ ભેળવી આખી રાત ફ્રીઝમાં ઢાંકી ને રહેવા દો.
સંધ્યા ટાણે ચાદો ઉગે ત્યારે સર્વ કુટુંબી જનોની સાથે
બેસી પ્રભુ નામ ભભરાવી દરેક સભ્ય સરખે ભાગે માણો. ચંદ્રની
ચાંદની તેમાં ઔર મધુરતા ઉમેરશે.
છે ને ‘ દિલ ખુશ બરફી ‘

ચાલો રસોડામા

મગ અને બટાટા ના વડા

September 20th, 2007

યાદ રહે , ખાવામાં સ્વાદિષ્ટ
પચવામાં હલકા

સામગ્રી

૧ વાટકી મગ પલાળવા અને શણગાવવા.
૧ રતલ બટાકા
લીલા આદુ મરચાં વાટેલા,
ગરમ મસાલો
કોથમીર ઝીણી કાપેલી
લીંબુ યા લીબુના ફૂલ
મીઠું સ્વાદ પ્રમાણે
આરારાનો લોટ
તેલ ( તળી પણ શકાય, યા તવી પર પણ કરાય.)
રીતઃ
પહેલાં બટાકા ને બાફી તેનો માવો તૈયાર કરો.
શણગાવેલા મગ ને તેમામ ઉમેરો, સાથે બધો
મસાલો પણ કરી લેવો. જેથી બટાકાને વારં વાર
હલાવવા નપડે.
તવામાં તેલ ગરમ મૂકવું તળ્યા પછી ગળી
અને તીખી ચટણી સાથે ખૂબ મજેથી માણવા.

આપણે બધા વજનનુ ખ્યાલ રાખતા થઈ ગયા
છીએ તેથી તવી પર કરેલાં પણ સારા લાગે છે.

બનાવો, ખાવ અને માણો.

Type in

Following is a quick typing help. View Detailed Help

Typing help

Following preferences are available to help you type. Refer to "Typing Help" for more information.

Settings reset
All settings are saved automatically.