અનુષ્ટુપ છંદની આજ્ઞા અનુસરી
મંદાક્રાંતા માં મંદ મંદ સરી
શિખરીણી દ્વારા શિખર સર કરી
નારી છંદમાં નરી નિરવતા ભરી
પ્રભુનો રચેલ એ છંદ છે અનેરો
એનો અર્થ જીવનમાં કળવો અઘરો
એ જુવાન પંક્તિ છે પ્રેમે અનુસરી
એનો પરિચયને સમસ્યા છે ભારી
વિદ્યાર્થી જીવનમાં વિદ્યાની લગની
પ્રેમીકા બની તે લાગે મનમોહિની
સાહસની તેને અંગે ફૂટે સરવણી
નવિનતાથી જીવને સુગંધ રેલાણી
એ કાવ્ય છે જેનું સંગીત સુરીલું
તેના મધુર તાલે ફરે ચક્ર નભનું
સુરક્ષિત હોય ત્યારે સર્જને શોભતું
સરજનહારનું રહસ્ય છતું થાતું
