જ્યાં જ્યાં નજર હું ઠેરવું
બસ તારી ભવ્યતા દેખું
તું ક્યાં નથી તું ક્યાં નથી
એ જાણવાને હું મથું
સૃષ્ટિના કણ કણમાં
તારું અસ્તિત્વ છાઈ રહ્યું
પત્રમાં ફળ ફૂલમાં
કુદરત બની છવાઈ ગયું
તું ક્યાં નથી તું ક્યાં નથી
એ જાણવાને હું મથું
સિંધુમાં બિંદુ બની તું
આભને પામવા મથી રહ્યું
મસ્તી પૂર્વક મોજાં માંહી
પ્રચંડ રૂપે છાઈ રહ્યું
તું ક્યાં નથી તું ક્યાં નથી
એ જાણવાને હું મથું
ઉન્નત મસ્તકે પર્વત રૂપે
સ્થિર થઈ ઉભો રહ્યો
ઉર્ધ્વગામી થઈ જીવનમાં
હાથ હલાવી કહી રહ્યો
તું ક્યાં નથી તું ક્યાંનથી
એ જાણવાને હું મથું
શક્તિ તારી અણકલ્પ્યને
અમાપ રૂપે પ્રવર્તતી
અકળ તું અણમોલ તું
અજોડ તું અવિનાશી તું
તું ક્યાં નથી
March 7th, 2007 by pravinash Leave a reply »
Advertisement