આલમમાં વારંવાર કહેવાતું કે ગાંધી ના રહ્યા
તો પણ મને ક્યારેક દેખાતું કે ગાંધી આ રહ્યા
ગોરા અને કાળાની શત્રુતામાં ખીલ્યું પદ્મ એક
એમ.એલ.કિંગના ડ્રીમે વર્તાતું કે ગાંધી આ રહ્યા
દક્ષિણ આફ્રિકાની પ્રજાનો છેદે જે રંગભેદ તે
માંડેલાની વાતોથી સમજાતું કે ગાંધી આ રહ્યા
ના ઘૂસ મારે લાઈનમાં બસસ્ટોપ,સ્ટેશન પર કોઈ
ત્યારે મને એ જોઈને થાતું કે ગાંધી આ રહ્યા
લે લાંચ મિનિસ્ટર,રિક્ષાવાળો ભાડું માગે વ્યાજબી
ન્હાનાની મોટાઈથી પરખાતું કે ગાંધી આ રહ્યા
રાવણ ભલે પજવે છતાં પણ કંઈક જીવે રામમય
અભિનવ વિભીષણ ભાળીને થાતું કે ગાંધી આ રહ્યા
મુ. ચંદ્રકાંત દેસાઈના ‘ગઝલ વિશેષ’ સંગ્રહમાંથી
પ્રસ્તુત છે.
‘ ગાંધી આ રહ્યા’
રાવણ ભલે પજવે છતાં પણ કંઈક જીવે રામમય
અભિનવ વિભીષણ ભાળીને થાતું કે ગાંધી આ રહ્યા…
સરસ ગઝલ છે…..
ગાંધીજી વિષે મારી કવિતા…
‘વેષ,વાણી, વર્તને હસતી હતી જે સાદગી,
રમતી રહી છે આજ પણા, ક્યાંક સંતો સંગસી !
આંધીઓ છો ઉમટૅ, અંધતા આભે અડે,
સત્યની પદ-પંક્તિને ક્યાં કોઈ વંટોળો નડે. ..વિશ્વદીપ..