Archive for May 14th, 2007

દિકરી

May 14th, 2007

images65.jpg

     માતૃદિનની ઉજવણી સરસ રીતે થઈ. બંને બાળકોનો પરિવાર સુહાનો
  જોઈ  અંતર  આનંદે  છલકાઈ  ઉઠ્યું.  માતાની  સુનહરી  સ્મૃતિ દિલમાં
  સળવળાટ   કરતી  ઊભી  થઈ  ગઈ.  માતાને  ક્યારે  વિસારું  છું એજ
  એક  પ્રશ્ન  છે?    દિકરી છું  તેથી  દિકરીના  દિલની  હર  વાતથી,  હર
  ધડકનથી  પરિચિત  છું.  મા  તારી  સાથે  ગાળેલાં  એ  દિવસો  વળી
  વળીને  તારી  યાદ  તાજી  કરાવે  છે.  ‘તું આવી’  બસ  એ  બે શબ્દો
  માં તારું હૈયું આખું ઠલવાઈ  જતું હતું.  તને  મળવા,  તારું  સાંનિધ્ય
  માણવા દર વર્ષે અમેરિકાથી દોડી આવતી હતી.
        મા તું જ્યાં હો ત્યાં, ના, ખબર છે તું તો ઠાકોરજીની સેવામાં છો.
 ખૂબ આનંદથી રહેજે. મારું અસ્તિત્વ એ તો તારી કૃપા નો પ્રસાદ છે.
          તારી  દિકરી   

સમજાવવું

May 14th, 2007

images70.jpg

  જમાનાને મારે કેમ રે સમજાવવું
   કે અંતર મારું સરળ ને  સહજ છે 
   શાને  તમે  પહેરો રંગીન  ચશ્મા
   કાળું  ને  લીલું  નજરે  ચડે  છે

   વિત્યાં આ વર્ષો અલપઝલપમાં
   આયખું  બાકી  કેમ  કરી   ખૂટશે
   ના કોઈ ખેવના કે બાકી તમન્ના
   જિવને દીધી  છે સઘળી છલના
 
   અનેરી જુવાની વિતી પલભરમાં
   સાહ્યબો  મારો  રિસાઈ  ગયો  છે
   પ્યાર માં તેના બનીતી દિવાની
   સૌભાગ્ય   મારું  પુરાણી   કહાની

   જમાના તું હરદમ સરતો જવાનો
   કદી   કોઈથી   ના  કેદ    થવાનો 
   અભિલાષા એટલી નિશાનીઓને
   ખુશીઓની કરજે  દિલથી લ્હાણી

Type in

Following is a quick typing help. View Detailed Help

Typing help

Following preferences are available to help you type. Refer to "Typing Help" for more information.

Settings reset
All settings are saved automatically.