એક પંખી રામે પાળ્યું May 7, 2007
Posted by pravinash in : ભજનો , 1 comment so far
એક પંખી રામે પાળ્યું
હો એક પંખી રામે પાળ્યું
કરૂણામયી સીતાએ એને
વ્હાલે ચૂમી પંપાળ્યું
હો એક પંખી——
તેજ તિમિરની લીલા નિહાળી હસતી એની આંખો
નભગંગાઓ સમેટી લેતી એની પવન પાંખો
પાંખ પસારી રમતાં એણે વાયુ મંડળ ખાળ્યું
હો એક પંખી—-
ઊંડે આભલું આંબી, એને સ્વર્ગ પ્રુથ્વી સૌ સરખાં
સાત ગગનની આરપાર ઊડવાના એને અભરખા
ઊડી ઊડીને આખર એણે જિવન રામપદ ઢાળ્યું
હો એક પંખી—–
જાનકીને લોચનિયેથી કંઈ ટપક્યાં મોંઘા મોતી
ચણ્યા સ્નેહથી એણે સઘળાં મોતી ગોતી ગોતી
ત્યજી ટચૂકડો દેશ વિરાટે પ્રયાણ એણે વાળ્યું
હો એક પંખી——
poet: Chandrakant Desai
Powered By