જીંદગી શરૂ થાય છે કોરી કિતાબ દ્વારા
દર વર્ષને અંતે આપણે આવક અને
જાવકનું ‘સરવૈયું’ કાઢતા હોઈએ
છીએ.
યાદ રહે જીવનમાં
સરવાળા સદવર્તનના
બાદબાકી ભૂલોની
ગુણાકાર પ્રેમનો
ભાગાકાર વેરઝેરનો
સુખી થવાની ચાવી.
આ જીંદગીની કિતાબનું સરવૈયું કાઢજો
સરવાળાને બાદબાકી યોગ્ય સ્થળે માંડજો
ગુણાકારને ભાગાકાર દ્વારા સુલઝાવજો
આ જીંદગીની——
બાળપણાંની પ્રિતડી ને જુવાનીનું ગાંડપણ
પ્રૌઢાવસ્થામાં તેનું લાવજો નિરાકરણ
સરવાળાને—-
ગુણાકાર ને—–
કર્યા કર્મ પસ્તાવાને ઝરણે વહાવજો
નિતિમય કાર્ય દ્વારા જીવન દીપાવજો
સરવાળાને——
ગુણાકારને—–
કર્યું કશું છુપતું નથી ચિત્રગુપ્તને ચોપડે
માહ્યલો સદાયે મુંગો રહી સાક્ષી ભરે
સરવાળાને —–
ગુણાકારને——
આવગમન જીંદગીનો અસ્ખલિત પ્રવાહ છે
જીંદગીની ભવ્યતામાં મૃત્યુ ચિરવિદાય છે
સરવાળાને બાદબાકી યોગ્ય સ્થળે માંડજો
ગુણાકારને ભાગાકાર દ્વારા સુલઝાવજો
આ જીંદગીની કિતાબનું સરવૈયું કાઢજો
Archive for February 15th, 2007
સરવૈયુ
February 15th, 2007એકલતા
February 15th, 2007 જીંદગી માં એકલા આવ્યા એકલા જવાનાં.
ખાલી હાથ આવ્યા ખાલી હાથ જવના.
એક સહારો કદીય સાથ ન છોડે.
એકલતામાં તેનું સ્મરણ તેના
ગુણગાન જીવન ભર્યું ભર્યુ
બનાવવા શક્તિમાન.
એકલતામાં તું સાથ નિભાવ
તારી હસ્તીનો અનુભવ કરાવ
હ્રદયની વીણા સુની પડી છે
સૂર છેડીને તાર ઝણઝણાવ
આંખની અટારી શોધી રહી છે
દર્શન દઈને તું ધન્ય બનાવ
હાથની હથેળી છે ચેતન વિહોણી
સ્પર્શ કરીને તું સ્પંદન જગાવ
વાચા મુખથી સ્થગિત થઈ છે
ભક્તિ દ્વારા તું ભાવ વહાવ
‘પમીનું’જીવન છે ગુમસુમતા ભર્યું
તારા પ્રાગટ્યથી મધુરું બનાવ