રાધા ઢૂંઢી રહી કીસીને મેરા કાન દેખા
મારી રાધા
પ્યારમાં પાગલ રાધા
રાધા ઝુમી ઊઠી કે નયનોંએ કાન નિરખ્યા
હરખે ફૂલી ઊઠી ને ઝાંઝર રણકી ઉઠ્યાં
ગોકુળમાં રાધાનો કાનજી ખોવાણો
ગોપીઓના ઘરમાં જઈ તે ભરાણો
ગોવાળો સંગે વંઠેલ —-કે નયનોએ કાન નિરખ્યા
રાધાને માખણ ખાતો કાન દેખાણો
બેઉ હાથે માખણ ચોર મંડાણો
હૈયું હરખી ઉઠ્યું——-કે નયનોએ કાન નિરખ્યા
રાધાએ કાન વિશ્રામઘાટે ભાળ્યા
પાણીની હેલ ચઢાવતાં માણ્યા
અંગ અંગ ભીંજાઈ ઊઠી—-કે નયનોએ કાન નિરખ્યા
રાધા કાના સંગે રાસ રમંતી
મધુવનમાંહી હસી ઘેલી ખેલતી
ચાંદનીમાં ભાન ભૂલી—–કે નયનોએ કાન નિરખ્યા