ચારેકોર નજર ઘુમાવું જ્યાં જોઉં ત્યાં ઉધામા જીવડો મુંઝાય છે
જીવનમાં પ્રવ્રુત્ત રહું પ્રવ્રુત્તિમાં ગળાડૂબ તોયે જીવડો મુંઝાય છે
પ્યારની લ્હાણી કરું તોયે ગેરસમઝ ફેલાય જીવડો મુંઝાય છે
માતાપિતાની બેદરકારી ભટકેલ બાળકો ભાળી જીવડો મુંઝાય છે
વિદ્યાર્થીઓની ગેરવર્તણુક નિહાળી ભણતર વગોવાય જીવડો મુંઝાય છે
શિક્ષકોની બેપરવાહી બેકાબૂ યુવાનો જોઈ જીવડો મુંઝાય છે
યુવાનોની આછકલાઈ સોનેરી સમય વેડફાય જીવડો મુંઝાય છે
વડીલોની તુમારશાહી કુટુંબમાં કલેશ કંકાસ જીવડો મુંઝાય છે
અનાચારની વાતો સુણી પારાવાર દર્દ જીવડો મુંઝાય છે
ગોળીબારની રમઝટ વચ્ચે જાન ખુવાર થાય જીવડો મુંઝાય છે
આતંકવાદી જાનહાની કરે નિર્દોષો ભરખાય જીવડો મુંઝાય છે
ધર્મને વેપાર બનાવે પ્રજાને રવાડે ચડાવે જીવડો મુંઝાય છે
પ્યાર માટે વલખાં મારું અવહેલના મળે જીવડો મુંઝાય છે
પાણીમાં મીન પ્યાસી તરવા વલખાં મારે જીવડો મુંઝાય છે
મુંઝાય છે
February 3rd, 2007 by pravinash Leave a reply »
Advertisement