પળ પળ જીવવું પળ પળ મરવું જીવનની છે રીતિ
પળ પળ નું આ બનેલું જીવન રાખો ન તેની ભીતિ
પળ સુનહરી પળ રંગીલી મેઘધનુની ભાંતિ
પળ ગમગીન પળ દર્દીલી કાળી ડિબાંગ રાત્રિ
પળમાંહી આ જીવન ગુજરે આણે જીવનમાં શાંતિ
ઉદ્વેગ ભરે એ મધુર પળોમાં ફેલાવે અશાંતિ
પળની કિંમત જે ના જાણે વેડફે તે અજ્ઞાની
પળમાં વાવે પળો પછી પામે તે જાણે જ્ઞાની
પળ વિપળને અવગણે ને આમંત્રે તે વ્યાધિ
પળ પળની કિંમત પારખે સમતા તેને લાધી
પળમાંહી જીવન છૂપાયું પ્યાસ જીવનની બૂઝી
પળમાં જીવવાની પળમાં રાચવાની સાચી મતિ સુઝી
