શું થવાનું હતું ને શું થઈ ગયું
શું કહેવું હતું ને શું કહેવાઈ ગયું
શું મેળવવું હતું ને શું મળી ગયું
કેડી પર ચાલવું હતું ને વનમાં જઈ ચડી
ભોમિયા વિણ ભમવું હતું ભૂલી પડી ગઈ
ઝરણા જેમ વહેવું હતું વેરાન થઈ ગઈ
હિમાચ્છાદિત શિખરે થીજવું હતું પિગળી ગઈ
મહાસાગરે મહાલવું હતું કિનારે પહોંચી ગઈ
આભલે ઉડવું હતું ધરતી પર પટકાઈ પડી
ભ્રમરગીત ગાવું હતું ફૂલે બિડાઈ ગઈ
ગુલાબ થઈ મઘમઘવું હતું વેણીમાં ગુંથાઈ ગઈ
સાથી સંગે વિહરવું હતું એકલી અટૂલી થઈ ગઈ
ઈશને પામવો હતો ઈશમય થઈ ગઈ
વાંચો મારી આરોહણની કેટેગરી