હાથમાં છે લાકડી ઓઢી કાળી કાંબળી
ડચકારે ચારતી બકરીઓનું ધણ
હડી હડી કાઢતી પવન સંગે ઉડતી
સીમમાં દીઠી ઉછળતી ભરવાડણ
સૂરજ કિરણ સંગે ગેલ કરતી
ઘડીમાં ડાબે ઘડી જમણે ઘુમતી
વહાલથી બકરીની પીઠ સંવારતી
સીમમાં દીઠી ઉછળતી ભરડવાણ
ઝાડીમંહી ઘુમતી ઝાંઝર રણકાવતી
હાથને વીંઝતી સાળુડો સંકોરતી
બકરાંને દોહતી કૂતરાને પાતી
સીમમાં દીઠી ઉછળતી ભરવાડણ
લીલાં પાન ચારતી બેં બેં કરતી
ટોળામહીં નિષ્ફિકર થઈ મહાલતી
પકડદાવ રમતી ભેખડેથી સરતી
સીમમાં દીઠી ઉછળતી ભરવાડણ
મારા કરતાં મોટો હું
ધરતી પર અતીસુંદર હું
ફૂલથી પણ હલકો હું
હિમાલયથી ભારી હું
મારી આગળ પાછળ હું
અવ્યક્ત છતાં વ્યક્ત હું
ગર્વથી છલકાતો હું
પાણી કરતાં પાતળો હું
અજ્ઞાનથી ઉભરાતો હું
જ્ઞાની સમજી ગુમાની હું
આવરણમાં લપેટાયો હું
નરીઆંખે ન ભાળતો હું
માન મર્યાદા ન જાળવતો હું
ઉછંગ ઉદંડ ફરતો હું
સાદ પાડીને ગાતો હું
સાંભળવા છતાં બધિર હું
હું ને મળવા વ્યાકુળ હું
મળ્યા પછી અકળાતો હું
હું હું બજારે ભટકતો હું
હું ને પામી ના શકતો હું
Following is a quick typing help. View Detailed Help
Following preferences are available to help you type. Refer to "Typing Help" for more information.