પ્રભુ તારું ગીત સંભળાયું છે
કર્ણપટે અથડાયું છે
પ્રભુ તારું ગીત સંભળાયું છે
એક કડી કાને પડી છે
શબ્દ બનીને ઉતરી છે પ્રભુ–
બીજ રૂપે ફૂલ્યું ફાલ્યું છે
વ્રુક્ષ બની લહેરાયું છે
બીજમાં અમી છૂપાયું છે
સત્યની ધારે સિંચાયું છે પ્રભુ–
વાયરાની સંગે ઝુમવું છે
મસ્તીમાં મન ભિંજાયું છે
ગીતના તાને ડોલ્યું છે
સૂરમાં તેનાં રેલાવું છે પ્રભુ===
પ્રેમનાં રસમાં પાવન છે
મોરલીનાં નાદે હરખે છે
હ્રદયમાં આસન માંડ્યું
અંગ અંગ પ્રસરાયું છે પ્રભુ—
ગીતમાં જ્યોત છુપાણી છે
ગીતની ગીતામાં ડુબવું છે
જાગીને જોંઉંતો શમણું છે
તારા સાન્નિધ્યે નરવું છે
પ્રભુ તારું ગીત સંભળાયું છે
Archive for January 20th, 2007
તારું ગીત
January 20th, 2007શ્રીજી
January 20th, 2007 જીવવું તારા સાંનિધ્યે શ્રીજી
આનંદ મંગલ દેનાર શ્રીજી
શ્રીજી વિનાનું આ જગ ખારું
શ્રીજી સુમિરને બને સુહાનું
સહુ સંબધ સ્વાર્થના જગમાં
તું એક ના કોઈ કામના
તુજમાં મારું મન પરોવાયે
જીવન ધન્ય બને સોહાયે
પ્રેમ સહુનો વધતો ઘટતો
તારા પ્રેમનો માણ્યો ચટકો
હરહંમેશ સમાન તે વહેતો
જીવન હર્યું ભર્યું રાખતો
એક તમન્ના છે આ દિલમાં
ઓટન આવે તારી ભક્તિમાં
રાખજે ક્રુપા તારી અહર્નિશ
શરણે લેજે હે અવિનાશી