મન માનસ અને મનન

ગગરી-ગાગરડી February 22, 2007

Posted by pravinash in : કાવ્યો , trackback

   ગગરી આનંદે ભરી મેં તો આજ
      કાના ઝટપટ આવ લગાવ તું હાથ
      ગગરી આનંદે છલકી ઉઠી આજ
      કાના ઝટપટ આવ લગાવતું હાથ

     આનંદ ભર્યો મેં તો હૈયું નિચોવી
     લગાવ તું હાથ પરમાનંદ હોઈ
     ગગરી નાં ખીલી ઉઠયાં ભાગ્ય
     કાના ઝટપટ આવ લગાવ તું હાથ

     ભરેલ ગગરી પણ તે છે ફૂલ શી
     આનંદે ગગરીની આભા નિખરી
     ખોબે ખોબે ભરું ને ઉભરાય
     કાના ઝટપટ આવ લગાવ તું હાથ

    કાના નાં કામણ ગગરી માં સમાણાં
    લ્હાણી કરી આનંદના પીરસ્યા ભાણા
    છતાં ખૂટે ન આનંદ તસુ ભાર
    કાના ઝટપટ આવ લગાવ તું હાથ