ખૂબ સુહાના મન લોભામણાં જાણે હમણાં બોલી ઉઠયા
લીલા મઝાના પાનની મધ્યે રંગબેરંગી સોહી ઉઠયા
મેજ ઉપર કલાત્મક ગોઠવણી ઓરડામાં છવાઈ ગઈ
સુશોભિત ફૂલોની મધ્યે ભમરાનું ગીત સુણી રહી
બારી ઉઘાડી પવન ડોકાયોને મસ્તીમાં ઝુમી રહ્યાં
ઘડીમાં ડાબે ઘડીમાં જમણે વાયુ સંગ માણી રહ્યાં
જીવતર કર્યું મુટ્ટીમાં બંધ સમય જાણે થંભી ગયો
કદી કરમાવવું કે કળી બની ખીલવું ભાગ્યમાં લોપ્યું
સ્પર્શ કર્યોને હેરત પામી ક્યાં છે સુંવાળપને જાન
હળવેથી કહીશ પ્લસ્ટિકના ફૂલોને ન અનુભૂતિનું ભાન