જીવનમાં બહાર આવી જેનાં પગરવને સુણી
જેના આગમનને કારણ દિલ ધબકારો ચૂક્યું
આ એજ વ્યક્તિની યાદે હું સૂનમૂન બેઠી છું
સુંદર સંસ્કાર અર્પી બાળકોમાં ગુંથાઈ
માયા મમતાનાં બંધન સાથી સંગે સોહાવી
આ એજ વ્યક્તિની યાદે હું ગુમસુમ બેઠી છું
ફૂલવાડી સિંચિત થઈ કળફૂલથી ઉભરાઈ
માળી વિણ બગિયાંની હું મહેક માણું છું
આ એજ વ્યક્તિની યાદે હું સ્વપનાં જોતી છું
વણ માગ્યે જીવનમાં લહર આનંદની ઉઠી
પ્રભુ તારી દયાની હું કરૂણાને યાચું છું
આ એજ વ્યક્તિની યાદે જીવનને પાવન માનું છું
