હાથમાં છે લાકડી ઓઢી કાળી કાંબળી
ડચકારે ચારતી બકરીઓનું ધણ
હડી હડી કાઢતી પવન સંગે ઉડતી
સીમમાં દીઠી ઉછળતી ભરવાડણ
સૂરજ કિરણ સંગે ગેલ કરતી
ઘડીમાં ડાબે ઘડી જમણે ઘુમતી
વહાલથી બકરીની પીઠ સંવારતી
સીમમાં દીઠી ઉછળતી ભરડવાણ
ઝાડીમંહી ઘુમતી ઝાંઝર રણકાવતી
હાથને વીંઝતી સાળુડો સંકોરતી
બકરાંને દોહતી કૂતરાને પાતી
સીમમાં દીઠી ઉછળતી ભરવાડણ
લીલાં પાન ચારતી બેં બેં કરતી
ટોળામહીં નિષ્ફિકર થઈ મહાલતી
પકડદાવ રમતી ભેખડેથી સરતી
સીમમાં દીઠી ઉછળતી ભરવાડણ
