મસાલા  પનીર  ભુરજી

         સામાગ્રીઃ
    
           અડધા        ગેલનના  દુધને ફાડી  પનીર બનાવવું.
                    અથવા
           ૪૦૦            ગ્રામ  પનીર તૈયાર.               ૨         મોટા  ટામેટા
            ૪                કાંદા                                      મીઠું  સ્વાદ પ્રમાણે
            ૨                ગાજર                                     ૩         રીંગ  પાઈનેપલ
            ૫                મરચા  લીલા                         ૧૦         લાલ  દરખ
            ૨”              આદુનો  ટુકડો                          ૨૦         દાણા   શીંગનો ભૂક્કો
            ૮                કળી  લસણની                        ઝીણી  કાપેલી  કોથમરી
             ૩                ટેબલ  સ્પુન  તેલ
                                           બનાવવાની  રીત

          પનીર  છુટ્ટુ  રાખવુ. કાંદા ઝીણા  કાપી તેલમા  સાંતળવા.
           ટામેટા ઝીણા  કાપી  થોડી વાર પછી  કાંદા સાથે સાંતળવા.
          બંનેને  સાથે થડીવાર સાંતળી અંદર છીણેલુ  ગાજર નાખવું.
          આદુ, મરચા અને લસણની વાટી એક પછી એક તેમા નાખવા.
          પછી તેમા સ્વાદ પ્રમાણે મીઠું નાખી હલાવવુ. પનીર ઉમેરી,
           હલાવી.એક બેકીંગ ડીશમાં થોડુ તેલ યા ‘પેમ’ છાંટી પાથરી
           દેવુ, અંદર પાઈનેપલની રીંગ ગોઠવી ૧૫ મિનિટ ૩૫૦ % પર
            બેક કરી લેવુ.
                                   પિરસતી વખતે ઉપર શીંગનો  અધકચરો વાટેલો ભુકો
                                  અને  કોથમરી ભભરાવવા.

                                           ખૂબ સ્વાદિષ્ટ અને પૌષ્ટિક લાગશે.
                                         બનાવો ત્યારે મને યાદ જરૂર કરજો.
   
 

          
                      આગળ કાંઇ પણ લખું એ પહેલા પ્રિય વાચક મિત્રો તમારી માફી માગવાની છે.
                     છેલ્લા ત્રણ દિવસથી તબિયત સારી ન હતી તેથી લખવામાં વિલંબ થયો છે.
                    આશા રાખું છુ તમે નારાજ નહી થાવ.

              બ્રહ્માંડના નિયમો અફર છે. આત્માનો તેના પર કોઈ અંકુશ નથી. આપણને દુન્યવી
          પરિબળો અસર ન કરે તેનો ખ્યાલ રહે. કર્મનો સિધ્ધાંત અચૂક તેનું પરિણામ આપે છે.
          તેમાં મીનીમેખને અવકાશ નથી. ભૂત, વર્તમાન અને ભવિષ્યના પ્રેરાયેલા કર્મ ફળ આપી
         શાંત થાય છે. ઈચ્છીત મળતું નથી પ્રાર્બ્ધમાં હોય તે જ પ્રાપ્ત થાય છે. યાદ રહે પુરૂષાર્થ
        વગર પ્રારબ્ધ પાંગળું છે. જન્મ છે તેનું મૃત્યુ નિશ્ચિત છે. અમરપટો લઈને આ જગે કોઈ જ
        આવ્યું નથી.
             

               સર્જન, સંચલન અને વિનાશ આ જગનું અસ્તિત્વ થયું ત્યારથી બ્રહ્મા, વિષ્ણુ અને મહેશ
       દ્વાર સંચાલિત છે. વિશ્વનું સર્જન કરનાર બ્રહ્મા, તેનું સંચાલન કરનાર વિષ્ણુ અને સંહારક મહેશ.
      અપૂર્ણ વાસનાની પૂર્તિ અર્થે ફરી ફરી જન્મ. ઉન્નત વિચારો , ઈચ્છાઓ, પુનઃજન્મ, વાસના,
      વંશ પરંપરાગતતા, સંસ્કાર , જોનાર, ભોક્તા , અનુભવનાર, વિષયો નું બનેલું આ સંસારચક્ર.
      દૃષ્ટિ તેવી સૃષ્ટિના નિયમ અનુસાર જેવું ભાળો તેવું જાણો. ભિન્નતા સભર દુનિયામાં
      વસતા ભાતભાતના લોક. ઉચ્ચવિચારોથી પરિપૂર્ણ દુનિયા. નિરર્થક જુઠ્ઠી દુનિયા. જેવું અનુભવીએ
      તેવી ચીતરાતી દુનિયા. મનુષ્યના મગજ દ્વારા , વિચારો દ્વારા ,મન અને બુધ્ધિ દ્વારા જન્મ પામ્યુ
     જ્ઞાનેન્દ્રિય દ્વારા સંવેદના પામ્યું તેવી દુનિયા. આ દુનિયાનો હરએક પદાર્થ તેનો તે જ છે. સમય
     અને દૃષ્ટિ તેમા વરંવાર ફેરફાર નોંધાવે છે. દુનિયા વિચારોનું સંતાન નથી. એ તો ન કળી શકાય
     તેવી કુદરતની કારિગરી છે. જે સનાતન સત્ય છે. મન, બુધ્ધિ, ચિત્ત અને અહંકાર તેના કદ કે આકાર
      તસુ ભર ન બદલી શકે.

                 વિશાળકાય દરિયાના મોજા સપાટી પર આવતા શાંત થઈ જાય. ફીણ થાય પણ બુદબુદા શમી
        જાય અને દરિયાનું પાણી જરાય વિચલીત ન થાય. વિષય અને પદાર્થનું મિલન થાય અને દુનિયાનું
        સરજન જણાય વિષયો શાંત થાય અને સત્યનું દર્શન અચૂક થાય. ઇન્દ્રિયો સંયમમા આવે અને હકિકત
       અસલ સ્વરૂપે છતી થાય. બ્રહ્મન સમુદ્ર સમાન છે. નિરંતર છે. સનાતન છે, શાશ્વત છે. વેદના મંતવ્ય
       અનુસાર સૃષ્ટિ કાંઇ નહી માત્ર બ્રહ્મન છે. આકાશ અનંત છે. અનંત છે.

       વધુ===========

                  
૪૨ વર્ષોનો અર્ક તમારી સમક્ષ રજૂ કર્યા પછી

વિચાર આવ્યો ચાલ મન જીંદગીનું સરવૈયુ કાઢ!

સરવાળા સદવર્તનના

બાદબાકી ભૂલોની

ગુણાકાર પ્રેમનો

ભાગાકાર વેરઝેર ઈર્ષ્યાનો

આ જીંદગીની કિતાબનું સરવૈયુ કાઢજો

સરવાળાને બાદબાકી યોગ્ય સ્થળે માંડજો

ગુણાકારને ભાગાકાર દ્વારા સુલઝાવજો

આ જીંદગીની—–

બાળપણની પ્રિતડીને યુવાનીનુ ગાંડપણ

પ્રૌઢાવસ્થામા તેનું કરજો નિરાકરણ

આ જીંદગી ———
સરવાળ————-
ગુણકાર————-

કર્યા કર્મો પસ્તાવાને ઝરણે વહાવજો

નીતિમય કાર્ય દ્વારા જીવન દીપાવજો

આ જિંદગી———
સરવાળા——–
ગુણાકાર——

કર્યું કશુ છુપતુ નથી ચિત્રગુપ્તને ચોપડે

માહ્યલો સદાયે મુમ્ગો રહીને સાક્ષી ભરે

આ જીંદગી——–

સરવાલા—–

ગુણાકાર્——-

આવાગમન જીંદગીનો અસ્ખલિત પ્રવાહ છે

જીંદગીની ભવ્યતામા મૃત્યુ ચીરવિદાય છે

આ જીંદગીની—————–

સરવાળા—————-

બાદબાકી———————

અરે, આજે કયો દિવસ છે. યાદ છે ને? જે માત્ર ઈશ્વર કૃપા એ દર ચાર
વર્ષે નજરે પડે છે. આપણા મોરારજી દેસાઈએ ભલેને ૧૦૦ દિવાળી ઉજવી
પણ વર્ષગાંઠ તો ખાલી ૨૫. બોલો મારી વાત ખરી છે કે ખોટી.
લીપયર દર ચાર વર્ષે આવે છે . પણ હિલરી ક્લિન્ટનને અને ઓબામાને
વધારે અનૂકુળ. કેવી રીતે તમને આશ્ચર્ય થશે. અરે ભાઈ આટલી સાદી વાત
ન સમજ્યા. એક દિવસ વધારે એકબીજા સામે કાદવ ઉછાળવા મળ્યો. ૪થી
માર્ચ, ટેક્સાસમા હિલરીએ ઓબામાને જબ્બર લડત આપવાની છે. જોઈએ કોનું
નસિબ જોર કરે છે?
પહેલી તારિખે આપણને વધારે આનંદ થાય. કેમ? પગાર આવવાનો ને એટલે.
પેલું કિશોરકુમારનું ગાયન યાદ હશે. નાનપણમાં મને મોઢે હતુ. હવે થોડી ઘણી
અડધી પડધી લીટીઓ યાદ છે. શામકો પિયાજી જરા જલ્દીસે આના, હમકો પિક્ચર
દિખાના. આજે આવુ સાંભળીને અમેરિકામા આવ્યા પછી ભલે હસવુ આવતુ હોય.
પણ આપણા ભારતમા આ હાલ હોય તો નવાઈ પામવા જેવું તેમા કાંઈ નથી.
હવે આપણને આ દિવસ પાછો ચાર વર્ષ પછી દેખવા મળશે. જોઈએ તે
સમયે આપણા મુખ પર હાસ્ય હશે કે ગાલ પર સુકાયેલા આંસુ? સમય બલવાન
છે. માણસ નહી. ચાલો ત્યારે તમારો સમય વધારે નહી લંઉ. આશા છે ચાર વર્ષ
પછી આપાણા હાલ આજ જેવાજ હોય.
૨૯મી ફેબ્રુઆરીને વિદાય આપિએ.

   પ્રભુ  કૃપાથી  મને કશાની એલર્જી  નથી.
 શાળામા છોકરાઓને ભણાવવા એ  ચાહે  ભારત હોયકે  અમેરિકા બધે
  સરખું હોય.
    શાળામાઃ બાળકોને શાંત પાડી મેં ધીરેથી કહ્યું.
          સાંભળો  બાળકો મારું નામ પ્રવિણા છે.
          મને અવાજની એલર્જી છે.

     બાળકોઃ  ચોથા ધોરણમા  હતા. મારી સામે જોઈ
                  રહ્યા. એક ચપળ વિદ્યાર્થિ બોલ્યો, પ્રવિણા
                  મેડમ તમને શું થાય.

    પ્રવિણાઃ   મારો ગુસ્સો જાય.

અલ્યા, એ છગન માંજો સૂરતી છે કે પછી સાદો? જોજે અલ્યા ઉતરાણનીમઝા બગડી ન જાય. આખી રાત જાગીને છગન અને મગને માંજો પાયો.

રાતે લગભગ એક ડઝન પતંગને કન્ના બાંધી. સવાર પડીને બેય ગોઠિયા

પાંચમે માળની અગાસી પર જઈ પહોચ્યા. પતંગ અને ફિરકી લઈને ચડ્યા

ટાંકી પર. ત્યાં યાદ અવ્યુ, માએ તલના લાડુ બનાવ્યા હતા લાવવાના

રહી ગયા. મગન, ઉતાવળમા ચંપલ પહેરવા ગયો ત્યા તો એક સીધી

જઈ પહોંચી નીચે ગટરમાં. ધુંધવાતો મગન એક પગમાં ચંપલ પહેરીને

દોડ્યો. ગટરમાં પડેલી ચંપલ માએ ધોવા મોકલ્યો. પછી જૂના ચંપલ

પહેરી બગલમાં તલના લાડુનું પડીકું મારતો અગાસીમાં પહોંચ્યો.

બન્ને ભાઈબંધ તલના લાડુ ઝાપટવા બેઠા. હવે પહેલો પતંગ કોણ

ચગાવે તેની રકઝક ચાલી. નક્કી થયુ ટાંકી પરથી ભૂસકો મારી

કોણ પહેલુ ટાંકી પર ચડે . જુના ચંપલ હતા તેથી ભૂસકો મારતા

ટૂટી ગયા. મગનભાઈ ઢીલાઢસ થઈ ગયા. બડબડતા ફીરકી પકડી

અને છગનનો પતંગ આકાશે લહેરાયો. ત્યાં તો સરકારી તબેલામાંથી

કોઈનો પતંગ અવ્યો ને પેચ લાગી ગયો. મગનને ગુસ્સો હતો દોરાની

ઢીલ મૂકવામાં અલિયાગલિયા કરવા લાગ્યો. ને રકઝકમાં છગનનો

પતંગ કપાઈ ગયો.

હવે વારો આવ્યો મગનનો, એક લાડુ વધારે છગનને આપી ખુશ

કર્યો. હવા ધીમી થઈ ગઈ હતી. ટીચકી મારી ને મગનના હાથ દુખી ગયા

પણ પતંગ ચગવાનું નામ જ લેતો ન હતો. એવામાં કોઈનો પતંગ

કપાઈને આવ્યો તે પકડવા છગન ફીરકી ફેંકીને ભાગ્યો. હવે કરવુ શું.

આખરે મગન આવ્યો. વાયુ દેવેતા ખુશ થયા ને પતંગ હવામા ઝુમવા

લાગ્યો. વળી પાછી મુગભાટમાંથી કોઈની પતંગ ડોકાઈ, મિલન થયું અને

કાઈપો છે ની બૂમ છગન પાડી ઉઠ્યો. બને ભાઈબંધ ખુશ થયા પહેલો

પતંગ કાપ્યો ને ચીચીયારી પાડી રહ્યા. હજુ તો હોશ સંભાળે ત્યાં એક

પતંગે આવીને મગનના પતંગને કાપી નાખ્યો. અરે, માંજો લપેટ,

પતંગતો ગયૉ જલ્દી હાથ ચલાવ. બોલતાં બોલતા મગન દોર ખેંચી

રહ્યો. આમને આમ ક્યાંય જમવા જવાનો સમય થઈ ગયો. માથે ટોપી

હતી પણ સૂરજનો તાપ ખૂબ લાગતો. અલ્યા છગન એક ચંપલ ભીની

થઈ બીજીની પટ્ટી તૂટી ગઈ . આજે મારી પનોતી બેઠી છે.

અગાસી પર પતંગ અને ફિરકી મૂકી બંને દોસ્ત જમવા ગયા.

પાછા આવ્યા ત્યારે ફિરકી ગાયબ અને અડધી પતંગ ફાટેલી. ગલીના

કોઈ મવાલીઓનું કામ. માળાના છોકરાઓની તાકાત ન હતી કે છગન

અને મગનના પતંગ કે ફિરકી ને કોઇ અડકે! હવે શું? હજુ તો રાતે ફાનસ

ચડાવવાનું હતું. બને ભાઈબંધ કોઈ તિકડમ કરવાનો વિચાર કરી રહ્યા.

આભમા બસ પતંગ જ સઘળે લહેરાઈ રહ્યા હતા. કાઈપો છે ની બૂમો

સંભળાતી હતી. બા અને બાપા બધા લાડુ અને ઉંધિયાનુ જમણ અરોગી

ઉંઘતા હતા. ખીસામાંથી પૈસા તફડાવી ભાગ્યા અને સાંજની ફાનસ

ચગાવવાની તૈયારીમાં પડ્યા. ઉતરાણનો આનંદ માણ્યો. મુશકેલીને

ગણકારે તેવા ન હતા. બને લંગોટિયા મિત્રો , કાલે શું થશે એની પરવા

ન કરતા સૂઈ ગયા. ઉંઘમાં પણ કાઈપો છે એ જ ચાલતુ હતુ.————-

     અમારા  કાંતીકાકાને  રોજની ફરિયાદ આજે મારું દબાણ ઉંચુ છે.
      ગયા  અઠવાડિયે  નીચુ  હતું.
      મારે  ઘરમા ભલેને  ત્રણ ડોક્ટર હોય  પણ  ઘરની  સમજ પૂર્વકની
          દવા કરવી ગમે.

      તો ચાલો  અજમાવી  જુઓ.

      જો દબાણ વધારે હોય તો!
  
      ‘ધિરજની’  બે  ગોળી  સવાર સાંજ જમ્યા પછી  લેવી
 
            સવારે  નરણે કોઠે ૧/૨  કપ  પ્યારમાં
            ૧.  લીંબુ
            ૨.  ચમચી  ખાડ  નાખીને  પીવું.
        દાંત સાફ  કર્યા  પછી  ૧૫  મિનિટ  પ્રાણાયામ કરવો.

        બપોરે  બે  કલાક  મૌનવ્રત  પાળવું.
       રાતના  સૂવા  જતા  પહેલા  પ્રાર્થનાના  હુંફાળા પાણીથી
             સ્નાન  કરવું.
         પથારીમાં લંબાવ્યા  પછી  આંખોમીચી  ઈષ્ટદેવનું
               નામ  સ્મરણ  કરવું.
         બે  અઠવાડિયા  પછી  મને  કહેજો  વધારે દબાણ હશે તો
            ઓછું  થશે  અને  ઓછું  હશે  તો  નિયમિત  બની જશે.

           ચાલો  ત્યારે  કરો  શુભ  શરૂઆત.

    ચિત્ત  નથી  તો  ચિંતન  કેવું
       મન  નથી તો  શંશય  કેવો
             બુદ્ધિ  નથી  તો  નિર્ણય  કેવો
                    આશય  નથી  તો  ગુન્હો  કેવો
                             કર્તાભાવ  નથી  તો  બંધન  કેવું
                                      અહં  નથી  તો અજ્ઞાન  કેવું
                                             અપેક્ષા  નથી  ત  નિરાશા કેવી                
                                                  ચંચળતા નથી  તો  અસ્થિરતા કેવી
                                                         શ્રધ્ધા  નથી  તો  ભક્તિ   કેવી
                                                              વિશ્વાસ  નથી  તિ  જીવન  કેવું
                                                                   શરણાગતિ  નથી તો  મોક્ષ  કેવો