ન કાનો ન માત્રા સરળ સમય
પાણીના રેલાની જેમ સરતો સમય
એકલતામાં ન મુંઝાતો સમય
ભીડમાં ન અટવાતો સમય
અંધારે ન અથડાતો સમય
અજવાળે આલિંગાતો સમય
સુખમાં ભાસે ટૂંકો સમય
દુખમાં કદી ન ખૂટતો સમય
બાંધ્યો ન બંધાતો સમય
જવાનીમાં ઝાકમઝાળ સમય
ઘરડે ઘડપણ ખોડંગાતો સમય
જન્મ ટાણે અધીરો સમય
પ્રથમ મિલને સુહાનો સમય
રજાની મઝા માણતો સમય
મ્રુત્યુની ઘડીએ સ્તબ્ધ સમય
કદી સમજદાર
કદી મઝેદાર
કદી યાદગાર
જીવનની હરપળ, હરઘડી
હરશ્વાસે હાજર કિંમતી સમય
