શું કરું ? કોને કહું ?
કહેવાતું નથી સહેવાતું નથી
જોઈને દર્દ મહેસુસ કરું
સુણીને ચીસ પાડી ઉઠું
જ્યાં જ્યાં નજર ઠેરવું
લાંચ રુશવતની બદી નિહાળું
હૈયુ મારું હચમચી ઉઠ્યું
દેશ દાઝે રડી પડ્યું
હા, માતૃભૂમીથી દૂર વસું
છતાંય તેને હું ના વિસરું
કેમ કરીને વહારે ધાઉં
દિશાઓ સઘળી ધુંધળી
આત્મા કદી મરતો નથી
આત્મા કદી સૂતો નથી
રૂપિયાની સઘળે બોલબાલા
જાગો, ઉઠો આત્માની સુણો
સરવે કાને બધિર ન બનો
ખાલી આવ્યા ખાલી જવાના
જો જો પાણી વહી ન જાય
સત્કર્મ ન કરો વાંધો નહી
દુષ્કર્મથી બચો દિલની સુણો
પસ્તાવાને વિપુલ ઝરણે
પાવન બનો સંકલ્પ કરો
માફી માગી પાછા વળો
દેશ કાજે બાંધવ કાજે
સન્માર્ગ ને પંથે સંચરો
