વહેલી પરોઢ્મા ચાલવાની મજા
ભાતભાતના દૃશ્યો જોવાના જલસા
કોઈ મૂકે દોટ, કોઈ મસ્તરામ હોય
કોઈ કરે ઉઠક બેઠક ‘ઉંહ્કારા’ ભરે
કપાલભાંતિના ઉચ્છવાસ સંભળાયે
ઑમકારનો નાદ ગગન ગજાવે
‘કરાટેના ચોપ’ બાળકો ઉચ્ચારે
‘હાસ્યનું ગુંજન’ કર્ણને ભાવે
સહેલાણીઓ વાતના વડા બનાવે
રાજકારણની ચર્ચા રંગ લાવે
જુવાનિયા ‘જોગીંગ’ તંદુરસ્તી બનાવે
આધેડ ચાલતા પ્રભુને સમરે
બગીચાનો માળી જોઈ જોઈ હરખે
સુરજ્દાદા સાત ઘોડે ચઢી આવે
ફુરસત કોને, જોઈ તેમને વધાવે
શાન્તાકારં નો મનમા શ્લોક ઉચ્ચારતા
પરોઢની તાજગી દિલમા પસવારતા
સહુના કલ્યાણની મનમા વાંછના