શરદ પૂનમની રાતડીને નિરખું તારી વાટ
કાના રાસે રમવાને આવ
નીતરે નભેથી દૂધમલ ચાંદનીને સજ્યામેં સોળ શણગાર
કાના રાસે રમવાને આવ
ઓઢું હું શ્વેત ઓઢણીને કેશમાં મોગરાનું ફૂલ
કાના રાસે રમવાને આવ
ગોપીઓનું વ્રંદ ટોળે મળ્યુંને ઈંઢોણી જમુના ઘાટ
કાના રાસે રમવાને આવ
આજની ઘડી રળિયામણીને ચંદ્ર ચડ્યો આકાશ
કાના રાસે રમવાને આવ
તારા કામણે મુને ઘેલી કીધી ભૂલી હું ઘરને બાર
કાના રાસે રમવા ને આવ
રાસ રમંતા થમે રાતડી ને થાકું ન હું પળવાર
કાના રાસે રમવાને આવ