દુનિયામા સર્વશ્રેષ્ઠ સ્થળ હોય તો તે માતાની ‘ગોદ’ છે.
એ જ સૃષ્ટિમા જો કોઈ અસહ્ય વર્તન હોય તો તે ‘દગો’ છે.
‘ગોદ’ જેવી શિતળતા હિમાલયમા પણ નથી.
‘દગા’ જેવું અપકૃત્ય શબ્દકોષમા નથી.
‘ગોદ’મા પરમ શાંતિનો અહેસાસ છે.
‘દગો’ કોઈનો સગો નથી.
‘ગોદ’ પામનાર તેની ભાવના અને લાગણી જાણે છે.
‘દગો’ કરનાર સુખ ચેન ગુમાવે છે.
‘ગોદ’નું મહત્વ અને મહત્તા અવર્ણનિય છે.
‘દગો’ દેનાર વખાનો માર્યો હોય છે.
‘ગોદ’મા આચરેલ ખિલખિલાટ અને ધમપછાડા મધુરા લાગે છે.
‘દગો’ કરનારની નિંદ વેરણ થયેલી જણાય છે.
‘ગોદ’ દેનારને કદી ‘દગો’ ન દેશો.
‘દગો’ દેતા પહેલા લાખ વાર વિચારજો.
‘ગોદ’ દેતા જાત કમજાત ન વિચારશો.
