જ્યારે વાદળી ભારી થાય છે ત્યારે વરસી પડે છે
જ્યારે સૂર્યોદય થાય ત્યારે અંધકાર ગાયબ થાય છે
જ્યારે ચાંદ ચાંદની વરસાવે ત્યારે શિતળતા ફેલાય છે
જ્યારે ફૂલ ફળમાં પરિણમે ત્યારે અસ્તિત્વ મિટાવે છે
જ્યારે કમળ કાદવમાં ખીલે ત્યારે સોહામણું લાગે છે
જ્યારે સોનાની બંગડી બને ત્યારે ઉરે ઘા ઝીલે છે
જ્યારે બાળક યુવાન થાય ત્યારે માતાપિતાનાં વાળ ધોળા થાય છે
જ્યારે જીવન સમાપ્ત થાય ત્યારે રેતમાં પગલું પડે છે
જ્યારે વાયરો પગલું ભૂસે ત્યારે મોજા પર નામ લખાય છે
જ્યારે અને ત્યારે ની ચીલ ઝડપ.
