ચતુષ્કોણને ચડી ચરબી ને
પાંચ ભુજા વાળો થવા મૂકી દોટ
આવો તમને બતાવું આજે નવિન કૌતુક એવું
ચતુષ્કોણને પાંચ ભુજા લાગે કેવું વરવું
ચાર ભુજા દોરી તેમાં શું કરી વડાઈ
પાંચમી દોરો તો આપું તમને વધાઈ
ભુજાઓમાં થઈ રકઝક પાંચમીની ના કોઈ સગાઈ
દડબડ કરતી દોડી આવી ખટપટમાં પરોવાઈ
એકના થયા બે ને બેના થયા ચાર
પંચ ત્યાં પરમેશ્વર શાને લાગે નવાઈ
હડસેલા ખાતી ખોડંગાતી પાંચમી તનમનથી ઘવાઈ
શાણપણ વાપરી પાયાની ભુજાને પકડી તિરાડથી ડોકાઈ
પરિસ્થિતિ પામી માનભેર છૂપાઈ
પાંચમી અદૃશ્ય (ભુજા)ની ગાથા ગવાઈ