આ માણસ ઘણું બધુ થઈ ગયો
માત્ર માણસ, માણસ ન થઈ શક્યો
લાગણીઓનો વેપાર કરતો થઈ ગયો
લાગણીઓ પર વિચાર ન કરી શક્યો
બિનશાકાહારી ખાતો થઈ ગયો
ફળાહાર પર ન જીવી શક્યો
દુનિયાભરના બણગા મારતો થઈ ગયો
ભારતયાત્રાનો લહાવો ન લઈ શક્યો
બાળકોને ખૂબ લાડ કરતો થઈ ગયો
માતાપિતાના પ્યારની કદર ન કરી શક્યો
સ્વાર્થી, કાળાધોળા કરતો થઈ ગયો
નિઃસ્વાર્થી, સજ્જનતા ન દાખવી શક્યો
મિત્રતાનું વર્તુળ વિસ્તારતો થઈ ગયો
સાચા પ્યારની પહેચાન ન કરી શક્યો
કુટુંબની અવહેલના કરતો થઈ ગયો
ખુલ્લી આંખે સત્યનું દર્શન ન કરી શક્યો
