મન માનસ અને મનન

રાધા March 6, 2008

Posted by pravinash in : ભજનો , trackback

હરખ ઘેલી રાધા

રાધા ઝુમી ઉઠી કે નયનોએ કૃષ્ણ નિરખ્યા
હરખે ફૂલી ઉઠી ને ઝાંઝર રણકી ઉઠ્યા

ગોકુળમાં રાધાનો કૃષ્ણ ખોવાણો
ગોપીઓના ઘરમાં જઈને ભરાણો
ગોવાળો સંગે વંઠેલ કે નયનોએ કૃષ્ણ નિરખ્યા

રાધાને માખણ ખાતા કૃષ્ણ દેખાણો
બેઉ હાથે માખણ ચોર મંડાણો
હૈયું હરખી ઊઠ્યું કે નયનોએ કૃષ્ણ નિરખ્યા

રાધાએ કૃષ્ણ વિશ્રામ ઘાટે ભાળ્યા
પાણીની હેલ ચઢાવતા માણ્યા
અંગ અંગ ભિંજાઈ ઉઠી કે નયનોએ કૃષ્ણ નિરખ્યા

રાધા કૃષ્ણ સંગે રાસ રમંતી
મધુવનમાંહી હસી ઘેલી ખલતી
ચાંદનીમાં ભાન ભૂલી કે નયનો એ કૃષણ નિરખ્યા