Archive for the ‘Uncategorized’ category

હાઈકુ

June 23rd, 2010

   બોંબ ફૂટ્યો

બસમાં નિર્દોષોની હત્યા

  સ્મશાન શાંતિ

                                                          જનમ ધર્યો

                                                      દિકરો કે દિકરી

                                                     અણમોલ સોગાદ

બચપણ સુહાનું

માની ગોદ જાણે

મમતાનો સાગર

                                                         તરૂણ થનગને

                                                વિચાર આશા મહત્વકાંક્ષા

                                                          મુંઝવણ ભાથામાં

જુવાની દિવાની

સાહસ જોશ પ્યાર

બસ ઝંપલાવો

                                              પ્રૌઢાવસ્થાના તારણ

                                              અન્યને દે શિખામણ

                                             જીવવાની જીજીવિષા

મૃત્યુ નિશ્ચિત

સરવાળા બાદબાકી કરો

ચોખ્ખી કિતાબ   

હસવુ કે રડવુ

June 14th, 2010
હસવુ કે રડવુ, ઘણી વખત એ નક્કી કરવું બહુ જ
મુશ્કેલ છે. હસવાના સમય આંખ દગો દઈને નિતરે
અને રડવાને ટાંકણે ખડખડાટ હસી પડાય.
       જ્યારે કેળાની છાલ પગ નિચે આવે, કેડ ભાંગે
ત્યારે કોઈ જોઈ નથી ગયું. એવા ભાવ સાથે આજુબાજુ
 નજર ફેરવી  કઢંગી હાલત જોઈ ,દર્દ વિસરી હસી પડાય.
              બાજી જીતતા હોઈએ, કસીનોમા સ્લોટમશીનમાં
પૈસા રણકતા હોય, ત્યારે આનંદ થવાને બદલે આંખમાંથી
બે આંસુ સરી પડે. એ આંસુ હોય ખુશીના પણ ત્યારે હોવું
જોઇએ મુખ પર હાસ્ય.
            આવું તો જીંદગીમા અનેક વાર અનુભવ્યું છે.
સારું છે હસવા કે રડવા પર પ્રતિબંધ નથી.  મારી
મિત્ર પંદર વર્ષથી બાળક માટે પ્રયત્ન કરી રહી હતી.
સાવ જ આશા મૂકી દીધી હતી. ત્યારે અચાનક ખબર
પડી કે તેને સારા દિવસ રહ્યા છે. જ્યારે હું ખુશ થઈ
મળવા ગઈ ત્યારે મારા ખોળામા માથૂ મૂકી રડી રહી
હતી. માનવાને તૈયાર જ ન હતી. ખૂબ પ્રયત્ને તેને
શાંત પાડી અહેસાસ કરાવ્યો કે હકિકત છે ‘તું મા
બનવાની છે.’
                દસ વર્ષથી કોર્ટમા કેસ ચાલતો હતો. બંને
પક્ષ કોર્ટના ધક્કાથી ત્રાસી ગયા હતા. અંતે ચૂકાદો
આવ્યો છૂટાછેડા થઈ ગયા. દુખની વાત હતી. ત્યારે
‘લીના’ જોરથી હસી પડી. પ્રેમમા પાગલ, દસ વર્ષનો
પરણિત ગાળૉ. નજીવા કરણસર હઠ ને લીધે અંત
છૂટાછેડા. ભલે જોઈતા હતા . મળ્યા છતાંય અંતર
રોતું હતું. હસવામા રૂદન છુપાયું હતું.

હસો અને હસાવો

June 12th, 2010

  અવાજ કરતાં પ્રકાશના કિરણની ઝડપ અનેક ઘણી વધારે છે.

  તેથી ઘણી વ્યક્તિ દેખાવમાં ખૂબ સુંદર હોય છે. બોલે નહી ત્યાં

   સુધી.  હા હા હા હા હા 

સફળતાની ચાવી

June 4th, 2010

     * કોઈ પણ નવું કાર્ય કરવા માટે ‘હું’ નાનો છું તે વિચાર અયોગ્ય છે.

    * પૈસા બચાવી એવી વસ્તુ ખરીદો જેની ભવિષ્યમા કિમત વધે.

    * જુનું તે સોનું , નવું નવ દિવસ.

    * પોતાનું કામ જાતે કરવાની આદત પાડો. સ્વાવલંબી બનો.

    * તમે જે છો તેમા મિનીમેખ થવાનો નથી.

    * ખોટા પૈસા ન વેડફો. ત્રેવડ ત્રીજો ભાઈ છે.

   * કરકસર અને કંજુસાઈમા આસમાન અને જમીનનો તફાવત જાણો.

   * યોગ્ય માણસને કામ ચીંધો, સમય અને લક્ષમીનો વ્યય બચાવો.

   * જો તમે માલિક હો તો તમારું કાર્ય કરતી વ્યક્તિનું હિત ઉરે ધરો.

   * યાદ રહે એ છે તો તમે છો.

   * પ્લાસ્ટિકના કાર્ડની હોળી, જરૂરિયાત વગર વ્યાજે ઉધાર પૈસા!

  * ખોટી આદતોને તિલાંજલી- દારૂ-જુગાર-

   * દેખાદેખીથી દૂર, સહુની સંગે સમાનતાનો ભાવ.

   * બીજા કહે તેમ નહી, અંતરનો અવાજ સુણો.

  * શીલાલેખ કોતરોઃ પૈસાથી માણસ નથી બનતો

                                     માણસથી પૈસો બને છે.

“ટાટા”

May 18th, 2010

     “ટાટા” નામથી મુંબઈગરા કે હિંદુસ્તાની કોણ અજાણ્યું છે? 

 યાદ હશે પારસીઓ જ્યારે સંજાણ બંદરે ઉતર્યા ત્યારે ત્યાના

રાજાએ દુધથી છલો્છલ ભરેલો પ્યાલો મોકલ્યો હતો. પારસીઓ

ના વડાએ તેમાં સાકર ભેળવી પાછો મોકલ્યો અને કહેવડાવ્યું

“દુધમા સાકર ભળે તેમ અમે તમારા રાજ્યમાં સમાઈ જઈશું.’

એ કોમના શ્રી રતન ટાટા . ૨૦૦૮ની, ૨૭મી ડિસેમ્બર અને તાજમાં

થયેલો આતંક્વાદીઓનો આતંક કાળા અક્ષરે મુંબઈના ઈતિહાસમા

કોતરાયેલો છે.

      તે પ્રસંગને આપણા ઉદ્યોગપતિ શ્રી રતન ટાટાએ કેવો સુંદર શિરપાવ

દ્વારા નવાજ્યો. નથી કોઈ સમાચાર સંસ્થા કે ટેલિવિઝને તેના પર પ્રકાશ

પાથર્યો.  સુરજને કેમ ઢાંકી શકાય. તેમના દિલની ઉદારતા, જેના પ્રતાપે

આટલી સમૃધ્ધિ પામ્યા તે સર્વેને પુરસ્કાર રૂપે નાણાની કોથળી ખુલ્લી મૂકી.

           જે પણ વ્યક્તિ જાણીતી યા અજાણી , ગરીબ યા તવંગર,ઉંચ યા નીચના

ભેદભાવ વગર સર્વેને સહાય મળે તેવી વ્યવસ્થા. મૃત પામેલાના પુરા પરિવાર

માટે જીંદગી ભરની  જવાબદારી. ગરીબની હાથલારી કે બિમારની સારવાર શું

શું વર્ણવું. માત્ર બે હાથ જોડી મસ્તક નમાવી તેમનો આભાર. જે શબ્દ તેમની

દરિયાવ દિલની વિશાળતા પાસે ખૂબ નાનો લાગે છે. 

            તેમણે જે સુંદર પગલાં ભર્યા છે તેનું વર્ણન કરવું તેમારી શક્તિની બહાર

છે.  ગુજરાતના ગૌરવ સમાન શ્રી રતન ટાટાને તેમના પૂર્વજોને અને આવતી

પેઢીને પણ ધન્યવાદ. રતન ટાટા જેવા સુંદર વ્યક્તિને જન્મ આપનાર તેમના

માતા પિતાને અભિનંદન ન આપું તો હું કૃતઘ્ની કહેવાઉં. બસ ત્યારે રજા લઈશ.

          હિંદુસ્તાન આવા સુંદર વ્યક્તિને કારણ આજે દુનિયામા અપૂર્વ સ્થાન પામ્યું

છે તેમાં અતિશયોક્તિ નથી.

વહેમ

April 26th, 2010
  વહેમ એ એક એવો ભયંકર રોગ છે જેની દવા હજુ સુધી કોઈ
 બનાવવા શક્તિમાન થયું નથી અને થશે એવી કોઈ એંધાણી
જણાતી પણ નથી.
       ઈશ્વર કૃપાએ માતા પિતા વહેમમા બહુ માનતા નહી અને
પતિ  વળી એથી  ચડિયાતો હતો કે પુછવું જ શું? કિંતુ ચારે બાજુ
નજર કરો તો તે ચુંગલમાંથી છૂટવું અશક્યજ લાગે.  નાનપણમાં
જ્યોતિન્દ્ર દવેનો લિખિત એક પાઠ ભણી હતી. બિલાડી આડી ઉતરી
તેથી એક ભાઈ પાંચ મિનિટ પછી નિકળ્યા. પરિણામ બસ ચૂકી ગયા,
તેથી નોકરીની પરિક્ષામા મોડા પહોંચ્યા. જેથી નોકરી હાથ તાળી દઈ
ગઈ. આમા વાંક કોનો બિલાડીનો જ બીજા કોનો.
              આવું છીંક આવે તો અપશુકન થાય. ભાઈ છીંક તો કાંઈ કહીને
આવતી હશે. આજકાલ તો કચરાની એલર્જી એટલી વધી ગઈ છે કે છીંક
આવે તો ડઝનના ભાવમા.
       હા, ચંપલ ઉતાવળમા ઉંધો થઈ જાય તો સીધો કરી લઈએ પણ તેને
કારણે ઝઘડૉ થયો એ ક્યાંનો ન્યાય. સાવરણી ઉભી ન મૂકાય. રાતના
વાસીદુ ન કઢાય. ઘણી વાર તો એમ થાય આખો દિવસ એક ચોપડી
લઈને ફરો જેમા ક્યારે શું થાય અને ક્યારે શું ન થાય એની બધી
માહિતી વિગતવાર હોય.
   “દુખનું ઓસડ દહાડા વહેમનું ઓસડ માળા” કાંઈ ન મળેતો બેસો
ઈશ્વર સમક્ષ  અને ફેરવો માળા. હવે હાથમા ચપ્પુ ન લેવાય,કેમ?
કાતર હાથમા ન અપાય. આ બધા શું ધતિંગ છે. વાત તો ત્યારે
વણસી ગઈ કે એક વાર હોસ્પિટલમા કોઇને મળવા ગઈ હતી.
બાળકને હાથમા લઈ પાછું મુક્યું અને સ્ત્રીના ઓશીકા નીચે મોટો
છુરો. રાતના ભૂત પ્રેત ન સતાવે તેના માટે. મીઠુ હાથમા આપીએ

તો ઝઘડો થાય.

       આપણે ત્યાં લગ્ન વખતે ઘણા કુટુંબોમા જન્માક્ષર મેળવે છે.
   એક બ્રાહ્મણભાઈએ બરાબર જન્માક્ષર તપાસી જોયા. બધાજ
ગ્રહો મળ્યા.સુખી કુટુંબ ખૂબ રંગેચંગે લગન લેવાયા. પાણીની
માફક પૈસા ખર્ચ્યા. નતીજો છ મહિનામા છૂટાછેડાની નોબત
આવી.
            શ્રાધ્ધમા આપણે લગ્ન જેવું પવિત્ર કામ ન કરીએ. મારી
એક સહેલીના પિતાને નછૂટકે કરવા પડ્યા. ગયા અઠવાડિયે તેની
૨૫મી ,રજત જયંતિ ઉજવાઈ.
   આપણા સમાજમા દયનીય હાલતતો છે વિધવાની. જો કે ભલુ
થજો ૨૧મી સદીનું આજના બાળકો અને મોટા ભાગના વડીલો હવે
બદલાયા છે. છતાં પણ યુગો જૂનો આ માનસિક સડો સંપૂર્ણ રીતે
ગયો નથી. એક લગ્નમા હાજરી આપવાની હતી. ખાસ સંબધ એટલે
આગળ બેસવાનું . બ્રાહ્મણભાઈ જેરીતે લગ્નની વિધી અને શ્લોક્નું
ઉચ્ચારણ કરતા હતા તે જોઈ તથા સાંભળીને હું દિંગ થઈ ગઈ.
                આની વિરૂધ્ધમા બીજા એક લગ્નમા જવાનો મોકો મળ્યો.
પુત્રના આગ્રહને માન આપી પિતાની ગેરહાજરી છતાં માતાએ પ્રેમથી
દિકરા, વહુને પરણાવ્યા  અને નવી દુલ્હનને પોંખી ઘરમા કુમકુમના
પગલાં પડાવ્યા.
         આપણે એવું માનવાની જરૂર નથી કે માત્ર આપણેજ વહેમમા માનીએ
છીએ. ના, એ માનવ સહજ નિર્બળતા છે. વહેમને દેશ, કાળ કે પહેરવેશ સાથે
કોઈ મતલબ નથી. આ મનુષ્યનો સહજ સ્વભાવ છે બને ત્યાં સુધી આપણી
રોજીંદી જીંદગીમા ખલેલ ન પહોંચે તે ખ્યાઅ રહે.—-  

એક ડગ ધરા પર—–૧૩

March 29th, 2010

            શાન, સુલુ અને નેહા ત્રણેય ગહન વિચારમા ગરકાવ થઈ ગયા. સાપ મરે નહી

અને લાકડી ટૂટે નહી. એ ઉક્તિ પ્રમાણે હિનાના પ્યારમા જરા પણ અવિનય ન વરતાય

તેનો ખ્યાલ જરૂરી હતો. હિના હરિશને દિલોજાનથી ચાહતી હતી. તેને હરિશને માત્ર પાઠ

ભણાવવો હતો કે પત્નીના પ્રેમ આગળ બીજા બધા સંબધ ફીકા છે. વળી તેને સારા દિવસ

ચડ્યા હતા તે શાન, સુલુ અને નેહા સિવાય કોઈને ખબર ન હતી.

                     સુલુનો અવાજ ખૂબ કોમળ અને સામી વ્યક્તિને ગમે તેવો હતો. હિના પાસેથી

ફોન નંબર લીધો અને પછી ફોન દ્વારા ઇ-મેઈલ પણ લીધો. હવે હરિશને પાઠ ભણાવવાનો

હતો. ઇ-મેઇલ સુલુનો પણ વાતચીતનો દોર બધો હિનાએ સંભાળી લીધો. જયારે પુરુષ પત્ની

છોડી બીજી સ્ત્રી પાછળ પાગલ થાય છે ત્યારે મોહમા અંધ થઈ સારા નરસાનું યા સત્ય અસત્ય

વચ્ચેનું અંતર વિસરી જાય છે.  તેની વિવેક બુધ્ધી ગિરવે મૂકે છે. 

                                  ન કરવાનું કરે અને ન આચરવાનું આચરે. સારું હતુ કે અનજાણતા સામે

પક્ષે તેની પત્ની જ હતી. હિનાએ તેને બરાબર સાણસામા ફસાવ્યો. સરસ મઝાનો વખત જોઈ

એવી પરિસ્થિતિ ઉભી કરી અને સમાજમા બદનામી વહોરવાને બદલે હરિશના ઘરવાળાઓ

હિના ને ઘરે તેડી લાવ્યા. હિનાના પેટે ચાડી ખાધી. મિંયા પડ્યા પણ ટંગડી ઉંચી. હિનાનો

આદર કરવાને બદલે હરિશતો ઇ-મેઇલ વાળીની પાછળ ગાંડો થયો હતો.   હિના વર્તનદ્વારા

હરિશની દુખતી  રગ દબાવતી રહી. હરિશની હાલત સાપે છછુંદર ગળ્યા જેવી થઈ હતી.

હરિશ બાળક પોતાનું હોવા છતા હિનાને પ્યાર દાખવી શક્તો નહી અને ઇ-મેઇલવાળીને

ભૂલી શકતો નહી.

             હિનાને એકવાર ત્રણે બહેનપણીઓ મળવા આવી. ઘરમા કોઇ હતું નહી તેથી બિન્દાસ

વાતો કરીને પરાક્રમ પર હસી રહ્યા હતા. વાતોમા એવા મશગુલ હતાકે માથુ દુખવાને બહાને

વહેલા ઘરે આવેલા હરિશ પર કોઇનું ધ્યાન ગયું નહી. હરિશે વાત થોડી સાંભળી અને ચાલાકી

પુર્વક આખી વાતનો તાળો મેળવી લીધો.  ગોદડું ઓઢીને સૂઈ ગયો. બહેનપણીઓ ગયા પછી

હિના સૂવાના પલંગ પર હરિશને જોઈ ચોંકી ઉઠી. ચહા બનાવીને લઈ આવી. ખબર પણ ન

પૂછ્યા.  હરિશે નાટક ચાલુ રાખ્યું. મનમા થયું ‘શામાટે સાચું ગુલાબ છોડી હું કાગળના ફુલ

ઉપર મોહ્યો.’ ઇ-મેઇલનું નાટક જે મહિના સુધી ચાલ્યું હતું તેમા પોતાની નબળાઈ છતી

થઈ પણ હિનાનું વિશુધ્ધ અંતર તેના પર જાદુઈ અસર કરી ગયું. માફી માગવાની ઈચ્છા

અહંની આગમા ધુંવા થઈ ગઈ. હિનાને થયું પુરુષની જાત છે કબૂલ નહી કરે. ખેર માફ કરી

દંઉ. સ્ત્રીના હ્રદયની વિશાળતા અને પવિત્રતાનો અંદાઝ પુરુષ જાત કદી નહી લગાવી શકે?

                    હરિશના બદલાયેલ વર્તનને ધ્યાનમા લઈ એક રાત હિના ઘટૉસ્ફોટ કરવા જતી

હતી ત્યાં બત્તી બુઝાવી હરિશે તેને પડખામા લઈ કંઇ પણ ન બોલવા મજબૂર કરી. ઘણા

વખત પછી આનંદ મિશ્રિત પ્રેમ પામવા હિના સમર્થ બની અને પોતાના પ્યારની જીત

બદલ પ્રભુનો મનોમન આભાર માનવા લગી. ક્યારે આંખ મળી ગઈ તેનો પણ ખ્યાલ ન

રહ્યો અને વહેલી સવારે ઉદરમા પાંગરી રહેલ પારેવડાની હિલચાલની મોજ માણી રહી.

હરિશને શરમના માર્યા તે વાત કરી તેને પણ આનંદમા ભાગીદાર બનાવ્યો.——–

યોગ સાધના——૧૧

January 19th, 2010

યોગ સાધના——૧૧

સૂત્રઃ ૪૬     તા એવ સબીજઃ સમાધિઃ

                    ता एव सबीजः समाधिः

                   સંપૂર્ણ સંયમ હોવા છતાં પણ  આસક્તિ અને ઈચ્છાના બીજ

                    મનની ભિતર રહી ગયા  હોય છે. ઈચ્છાના આ અંકુર ઘણા

                    ભયાવહ હોય છે.  મુક્તિ નજદિક છે. સાધક એવી સ્થિતિ પર

                     પહોંચ્યો છે કે તેનું પતન થઈ ન શકે.

સૂત્રઃ  ૪૭     નિર્વિચાર વૈશારદ્યે-અધ્યાત્મપ્રસાદઃ

                     निर्विचार वैशारद्ये-अध्यात्मप्रसादः

                       નિર્વિચાર સમાધિ ને પામ્યા પછી મન

                        શુધ્ધ (પવિત્ર) બની જાય છે.

સૂત્રઃ  ૪૮         ઋતમ્ભરા તત્ર પ્રજ્ઞા

                        ऋतम्भरा तत्र प्रज्ञा

                         સમાધિના આ તબક્કે જ્ઞાન સત્ય સભર

                           હોય છે. ( સત્યથી પરિપૂર્ણ)

 સૂત્રઃ  ૪૯         શ્રુતાનુમાનપ્રજ્ઞાભ્યામન્યવિષયા વિશેષાર્થત્વાત

                          श्रुतानुमानप्रज्ञाभ्यामन्यविषया विशेषार्थत्वात

                            ઋષિ પતાંજલી કહે છે જ્ઞાન બે પ્રકારનું છે. ઈંદ્રિયોના

                             નિગ્રહ અને સાધના મારફત. યા તો આપણા વેદ યા

                             પૌરાણિક શાસ્ત્રો દ્વારા. જ્ઞાન જે સમાધિ દ્વારા પ્રાપ્ત

                             થયુ છે તે ઉચ્ચ કોટીનું છે.

 સૂત્રઃ ૫૦          તજ્જઃ  સંસ્કારો-અન્યસંસ્કારપ્રતિબન્ધી 

                          तज्जः संस्कारो-अन्य्संस्कारप्रतिबन्धी

                          સમાધિ દ્વારા મેળવયેલા સંસ્કાર, પૂર્વેના

                         સઘળાં સંસ્કાર ભૂંસી નાખે છે.

 સૂત્રઃ ૫૧         તસ્યાપિ નિરોધે સર્વનિરોધાન્નિર્બીજઃ સમાધિઃ

                        तस्यापि निरोहे सर्वनिरोधान्निर्बीजः समाधिः

                         જ્યારે સમાધિ દ્વારા પડેલા સંસ્કાર, પૂર્વેના

                         સઘળાં સંસ્કાર ભૂંસી નાખે છે ત્યારે મન વિચાર

                         રહીત અવસ્થા માં પ્રવેશી “નિર્બીજઃ” અવસ્થા ને

                         પ્રાપ્ત કરે છે.  

                        अस्तु

                        समाधिपाद संपूर्णः

                       सर्वे भवन्तु सुखिनः सर्वे सन्तु निरामया

                        सर्वे भद्राणि पश्यन्तु मा कश्चिद दुःखभागभवेत

                        ॐ शांतिः शांतिः शांतिः

એક ડગ ધરા પર—-૬

January 11th, 2010

એક ડગ ધરા પર—-૬

          વર્ષો પાણીના રેલાની માફક સરી રહ્યા હતા. રમત ગમતમાં મોટી થતી

  શાન ને ભગવાને ફુરસદે ઘડી હતી. એમાંય પાછા સુંદર સંસ્કાર, જાણે સોનામાં

સુગંધ ભળી. સ્વભાવે શાંત શાન, જોતાની સાથે વહાલ ઉપજે તેવી શાન. ખરેખર

ખોટા વખાણ કરવાની આદત નથી. શાન મમ્મી, પાપા તથા સર્વે કુટુંબી જનોની

આંખનો તારો બની ગઈ. સોહમ તેનો વહાલો ભાઈલો મઝાનો હતો. બંને વચ્ચે પાંચ

વર્ષનો તફાવત હતો. મામ્મીને ખૂબ રાહત રહેતી. શાન મ્મ્મી બતાવે તે બધું કામ

કરતી.

      દાદી વિચાર કરતી આટલી અમથી છોકરી કેટલી મમ્મીને મદદ કરે છે. ભાઈ

સાથે કેવી સરસ રીતે રમે છે. પહેલે ખોળે દિકરી ને તેમાંય પાછી વહાલના દરિયા

સમાન. બંને બાળકો લાડકોડમા ઉછરી રહ્યા હતા. ક્યાંય દિકરા કે દિકરી વચ્ચે ભેદ

જણાતો ન હતો. હવે તો શાન પાંચમા ધોરણમા આવી ગઈ. બાળમંદિર છોડીને મોટી

શાળામા. શાળાનો ગણવેશ પહેરીને નિકળ્તી ત્યારે મમ્મી ઓવારણા અચૂક લેતી.

             વર્ગની બહેનપણીઓની સાથે રમત ગમતમાં જોડાતી. ભણવામા ખૂબ તેજ

હંમેશા નવું જાણવાની ઈંતજારી. શાન ઘણાંની ઇર્ષ્યાનો ભોગ પણ બનતી. કિંતુ તેનો

સ્વભાવ જ એવો હતો કે સહુ તેને સામે ચાલીને બોલાવતા. જે બહેનપણીને તકલિફ

હોય તો શાન દોડીને મદદ કરતી. તેને જુઠ્ઠુ બોલવા સમક્ષ ખુબ નફરત હતી. નિર્દોષ

બાળકો કેમ અને કેવી રીતે ખોટી ટેવોના શિકાર બનતા હશે? ૨૧મી સદીમા જો કોઈ

શત્રુ હોય તો તે ટેલીવિઝન છે. શાનની મમ્મી તેનો ખૂબ ધ્યાન રાખતી. સોનમ, શાનને

અમૂક શો જ જોવા દેતી. તેને લીધે  સોનમ તથા સાહિલ વિચારીને ટી વી જોતાં. સાહિલ

પપ્પા, શાન અને સોહમને સમય મળ્યે વહાલની ગંગામા સ્નાન કરવતા.

      પાંચમા ધોરણની વાર્ષિક પરીક્ષામા શાનને ગણિતમા ઓછા માર્ક્સ મળ્યા. તેની બાજુમા

બેઠેલો કુમાર ઉંચો થઈ થઈને તેના પેપર પર નજર નાખતો અને જાણી જોઈને પેંન્સિલ પાડી

વારે વારે વાંકો વળતો. શાન પોતાનું ધ્યાન કેંન્દ્રિત કરી શકતી નહી. જેથી બે દાખલા કરી ન

શકી અને ત્રણેક ખોટા પડ્યા. પાસ થવા માટે જોઈતા માંડ માંડ મેળવી શકી. રડી રડી ને

અધમૂઈ થઈ ગઈ . ખેર નપાસ ન થઈ તેની સાંત્વનાને પામી. પપ્પા પણ ગુસ્સે થયા.

મમ્મીએ બાજુમા બેસાડી વિગત જાણી તેથી જરા દુખ ઓછું થયું. પણ શાને મનમાં

ગાંઠ વાળી હવે પછી મારે ચેતીને ચાલવું પડશે.

     શાનના વર્ગમાં એક છોકરો હતો. કેન્સરમા કીમો લેવાથી વાળ બધા જતા રહ્યા હતા.

એક દિવસ ખૂબ રડી રહ્યો હતો. શાનથી જોઈ ન શકાયું. તેની પાસે જઈ પ્રેમથી પૂછ્યું

ને વાત જાણી.  કિસનને દોસ્તો પજવતા હતા. બાળકો નિર્દોષ હોય છે. કિંતુ ઘણીવાર

ક્રૂર મશ્કરી કરી હેરાન પણ કરતાં હોય છે. શાને મનમાં ગાંઠ વાળી. ઘરે જઈને પપ્પાને

કહે. “પાપા તમને ખબર છે, મને ખીચડી નથી ભાવતી. જો હું તે ખાંઉ તો મને મારી

મનગમતી વસ્તુ કરવા દેશો?” પાપાને એમ કે કદાચ આઈસક્રીમ ખાવા લઈ જાવ યા

સિનેમાની માગણી કરશે તેથી હા પાડી. શાને બીજીવાર પૂછી ખાત્રી કરી વચન માંગ્યું.

છઠ્ઠા ધોરણમા ભણતી છોકરી વધારેમા વધારે શું માગશે?

     શાને કહ્યું પપ્પા મારે બધા વાળ કપાવવા છે. પપ્પાની હાલતતો કાપોતો લોહી ન

નિકળે તેવી થઈ ગઈ. પણ વચનથી બંધાયેલા હતા. શાનની વાત મંઝુર કરી. સોમવારે

શાળામા મૂકવા ગયા ત્યારે તેમની બાજુમા કિસનની મા આવી અને કહે ‘તમારી દિકરી

ભગવાનનું રૂપ લઈને આવી છે.’   જુઓ મારા કિસનની સાથે કેટલા પ્રેમથી વર્તે છે, પાપા

જોઈને દંગ થઈ ગયા. કિસનના માથા પર પણ વાળ ન હતા. તેમને સમજતા વાર ન લાગી

શામાટે શાને વાળ કપાવ્યા————————

યોગ સાધના—૧૦

January 5th, 2010

  યોગ સાધના—-૧૦

સૂત્રઃ  ૪૧ ક્ષીણવૃત્તેરભિજાતસ્યેવ મણેર્ગ્રહીતૃ-ગ્રહણ-ગ્રાહ્યેષુ

                  તત્સ્થતદન્જાનતા સમાપત્તિઃ  

                क्षीणवृत्तेरभिजातस्येव मणेर्ग्रहीतु-ग्रहण-ग्राह्येषु

                 तत्स्थतन्जनता समापत्तिः 

               જેવી રીતે શુધ્ધ ક્રિસ્ટલ પોતાની નજીકના પદાર્થના

            રંગ ગ્રહણ કરે છે. તેવી રીતે મન જ્યારે વિચાર રહિત

             શાંત હોય છે ત્યારે જેના પર કેન્દ્રિત થાય છે તેવું જ

             જણાય છે.. તે ક્યાંતો પદાર્થ હોય યા ઈંન્દ્રિયોનું

             ચિંતન.તેનામય થઈ જવું યા તેના ચિંતનમાં

            ડૂબી જવું તેને ‘સમાધિ’ કહે છે.

                 સમાધિ અનેક પ્રકારની હોઈ શકે. કોઈ પણ

               જાતની સમાધિ પામવી આસાન નથી, જો મનની

             અમાપ શક્તિ   ન હોય. અંહી કીટ પતંગાનો દાખલો

              બરાબર બંધ બેસતો છે.

 સૂત્રઃ ૪૨ તત્ર શબ્દાર્થજ્ઞાનવિકલ્પૈઃ સંકીર્ણા સવિતર્કા સમાપત્તિઃ

                 तत्र शब्दार्थज्ञानविकल्पैः संकीर्णा सवितर्का समापत्तिः

                જ્યારે મન સખત પદાર્થ પર નામ, ગુણ ના જ્ઞાન સાથે

                ધ્યાન કેંન્દ્રિત કરે છે. જેથી મેળવેલી માહિતીને “સવિતર્ક

               સમાધિ” કહે છે.

 સૂત્રઃ ૪૩  સ્મૃતિપરિશુધ્ધૌ  સ્વરૂપશૂન્યેવાર્થમાત્રનિર્ભાસા નિર્વિતર્કા

                 स्मृतिपरिशुध्धौ  स्वरूपशू न्येवार्थमात्रनिर्भासा निर्वितर्का

                 જ્યારે મન પદાર્થ સાથે એકાત્મતા, એકાગ્રતાથી પામે છે.

                 કિંતુ તેને તેના નામ, ગુણ વિશે કોઈ જ માહિતી નથી.

                 તેથી માત્ર પદાર્થ જ હોય છે તેને ‘નિર્વિતર્ક” સમાધિ

                  કહે છે.

                  નિર્વિતર્ક સમાધિ સવિતર્ક કરતા ઉંચી છે. જેમાં પદાર્થના

                  નામ, ગુણ વિશે કોઈ જ માહિતી નથી.

સુત્રઃ ૪૪ એતયૈવ સવિચારા નિર્વિચારા ચ સૂક્ષ્મવિષયા વ્યાખ્યાતા

                 एतयैव सविचारा निर्विचारा च सूक्ष्मविषया व्याख्याता

              જ્યારે ધ્યાન કેંન્દ્રિત કરવાનો પદાર્થ સમક્ષ હોય ત્યારે

             બે પ્રકારની સમાધિ ‘સવિચારા, યા નિર્વિચારા’ ના ભેદ

             એકજ રીતે જાણી શકાય છે

સૂત્રઃ ૪૫  સૂક્ષ્મવિષયત્વન્ચાલિંગઃ -પર્યવસાનમ

                 सूक्ष्मविषयत्वन्चालिंगं -पर्यवसानम   

               આ સર્વે દર્શિય પદાર્થની પાછળ ‘પ્રકૃતિ’ મુખ્ય

               કારણ છે. પ્રકૃતિ પદાર્થનું અભિન્ન અંગ છે.

                જેમ કે અગ્નિ, દઝાડવું તેનો ગુણ ધર્મ યાને

               પ્રકૃતિ છે. પ્રકૃતિ અંતિમ લક્ષ નથી. તેની

               પાછળ ‘બ્રહ્મન’ છે.

Type in

Following is a quick typing help. View Detailed Help

Typing help

Following preferences are available to help you type. Refer to "Typing Help" for more information.

Settings reset
All settings are saved automatically.