જીવન જીવવું કેમે કરીને મન માંહી મુંઝાતી
જીવન વીતી ગયું જીવન જીવવા મથતી
જીવનના રંગમંચ ઉપર ભાગ ભજવતી
ભાનભૂલીને રાચી ઉઠી પાત્રને લજવતી
જીવન ખેલ સમજી ખેલદિલીથી રમજે
હાર મળે યા જીત ‘અંચાઈ’ વગર ખેલજે
જીવન વાટ વાંકી ચૂકી ખાડાટેકરાવાળી
સાચવીને ડગ દે આંગળી ઈશની ઝાલી
પાછળ તારી ચાલે ઈશ ધ્યાન તારું ધરતો
મુશ્કેલીમાં સહાય કરતો ઉંચકી ઉરે ચાંપતો
જીવનમા જાગૃતિ ને હૈયે ધરે આકૃતિ
મારગ પ્રકૃતિ કેરો ગ્રહે વિરામે વિકૃતિ
નાટક ભજવાયું, પડદો પડ્યો ગડગડાટ તાળીઓનો
જીવન વિરમ્યું, શબ બન્યું, કિલોલ લાગણીઓનો