મન માનસ અને મનન

એ તો એમ જ થાય January 21, 2008

Posted by pravinash in : કાવ્યો , add a comment

           છોડે    છૂટતું     નથી
            આપોઆપ છૂટી જાય
            જોડે જોડાતું    નથી
            સાંધો રહી     જાય

            વા વાય ને પાન ખરે
            વાયરે    ઉડી    જાય
            વા ખેરવે વા ઉડાડે
            વાયરો    વેરી   થાય

            નદી વેગે   વહે
            ચંચળતા ઉર ધરે
            અટકાવી   ના અટકે
             ઉદધિ ઉરે    સમાય

            બાળકને   જન્મ દે
            પ્રાણ   રેડી    ઉછેરે
            પાંખ આવતા ઉડે
            જનની વિસરી જાય

લક્ષ્મી સંઘરો નહી
              ખર્ચે બમણી થાય
               કૂવે પાણી ઉલેચો
               નવિન જલે છલકાય