પીળા પડેલા પાનને ખરતા જોઈ વૃક્ષની વેદના ભાળી
બગીચાને સીચતો માળી રિસાણોને ફુલડાંને હું મળી
ગીચોગીચ માનવ મેદની વચ્ચે ફરતી એકલતા ભાળી
યુવાની ઢળીને વાનપ્રસ્થને આંગણે જીવનને હું મળી
ભર બજારે ચાલતાં વર્ષો બાદ સખીને અનાયાસે ભાળી
ઉગતા સૂરજને પૂજતા સ્વાર્થી લક્ષ્મીચંદો ને હું મળી
આશા નિરાશાનાં તાંતણે લટકતાં વૃધ્ધ માતાપિતાને ભાળી
જીવતરના આરે આવીને ઉભી મૃત્યુના ઓવારાને હું મળી
