જિવન કેવું હતું?

April 18th, 2007 by pravinash Leave a reply »

83z8vca0mkb0oca8htxbica8qjfr1caflzg1scaa51gcncaukehjmcakgg6ircag0rjawca2hl12jcaz437nucat9f1lncalmrcvjca6vsuscca3et28icarhgkgdcawfon9fca4hjgb9ca1rqqvq.jpg

જનમ ધરી આ વિશાળ પટ પર
કોઈનું સુખ દુખ પૂછ્યું હતું
દર્દ અને વિયોગ ને ટાણે
કોઈનું આંસુ લુછ્યું હતું
મનવા તારું જિવન કેવું હતું?

સત્ય અને અસત્યની ગુંચમાં
પ્રેમ નું પલ્લું ઝુક્યું હતું
વાણી અને વર્તનના વિલાસે
મૌનનું મંદિર ખુલ્યું હતું
મનવા તારું જિવન કેવું હતુ?

પાપ અને પુણ્યને મારગડે
કેડી તેં કોતરાવી હતી
ભાવ અને ભક્તિમા ભળી
નૈયા તેં ઝુકાવી હતી
મનવા તારું જિવન કેવું હતું?

માન મર્યાદાનો પડદો
નટ બની ચીર્યો હતો
સૃષ્ટિના સમરાંગણમાં તું
સ્વાર્થની બાજી ખેલ્યો હતો
મનવા તારું જિવન કેવું હતું?

કાળજાની કોરમાં કોઈના
દિલની વાતો ભરી હતી
અપંગ બિમારોને ભાળી
નયણે નીર તેં ભર્યું હતું
મનવા તારું જિવન કેવું હતું?

ધૈર્ય અને ધિરજને ધારી
પ્રકાશ તેં ફેલાવ્યો હતો
દિવાદાંડીને આદર્શ માની
લક્ષ્ય તારું તે સાધ્યુ હતું
મનવા તારું જિવન કેવું હતું?

Advertisement

2 comments

  1. says:

    ધૈર્ય અને ધિરજને ધારી
    પ્રકાશ તેં ફેલાવ્યો હતો
    દિવાદાંડીને આદર્શ માની
    લક્ષ્ય તારું તે સાધ્યુ હતું
    મનવા તારું જિવન કેવું હતું?

    It’s very nice poem about human mind. I like it.

  2. maru jeevan SHOONYA hatu ! Aabhar bahena !
    Sundar rachna chhe ho !bahu j saras rachna !!!

Leave a Reply

Type in
Details available only for Indian languages
Settings Settings reset
Help
Indian language typing help
View Detailed Help